ياعم مهو الدرك طفش الجماهير من الملعب الواحد ان راح عالملعب بيتبهدل من الدرك لازم يكونو الدرك المسؤولين عن الملاعب يحملون شهادات مثقفين يعرفون كيف يتعالملون مع الجماهير مش حيالله جيب درك وعبي الملعب لازم نكون زي دول اوروبا
قبل يومين اعلن الاتحاد السماح للاطفال حتى سن 15بالدخول مجانا
طلع جاري واخذ اولاد الحاره بسيارته ومعهم ابنه عمره سنتين ولبسه لباس الوحدات
عندما وصل الباب قال البواب شو هاظ ما بصير
قال انه الاتحاد سمح
قال كلام جرايد
ورجع الاولاد كل يحاول الدخول مع احد الكبار حتى دخلو بعد فتره الواحد تلو الاخر
في الداخل جلس صاحبنا وابنه في انتظار باقي الاطفال طبعا عل اعصابه لانه مسؤول عنهم امام اهلهم
هنا استلمه دركي ليش قاعد هون روح هناك ليش كل مايقوت ولد بتنادي عليه مالك بتجمع الاولاد
تخيل لو كان جاري يشجع فريق الدركي المفضل
هل يفعل ما فعل؟
اخي هناك الكثير من المنغصات والتي تعمل على تطفيش جمهورنا
وجمهورنا فقط
ومع ذلك يجب علينا الحضور في الملعب