كيف يقولونها ؟ * في اربد يقولونها هكذا :- الأب : منو اللي ع الشجرة ؟ الابن : هاظا اني يابا اسماعيل مالك بطلت تعرفني ... الأب : يا أم احمد دوك ابنش اسماعيل ع الشجرة اسع أيات بوقع وبتنكسر ايده .... J الأم : يا زلمه مالك , مال غضبك خلي الولد يلعب ( الميم في كلمة مالك مفخمه). * في الكرك يقولونها هكذا : الأب : منو اللي فوق الشجرة. الابن : علامك يابا انت انعميت , هذا أنا ' ضيف الله '. الأب : والله لألعن صباح ابوك, طيح عن الشجرة يا ملعون الوالدين لا تقع وبعدين انقوم نقل فيك ع الدكاتره. الابن : ما ودي أطيح .... الأب : والله ود اللي يسطح بطنك ان شاء الله. يا أم محمد روحي طيحي ابنك لامزع رقبتك ورقبته. * في الخليل يقولونها هكذا : الأب : محمآد ولك انزآل ل ل عن الشجر آآه .... الابن : شو حكييييت. الأب : بؤلك انزل هلأ بضربك بالساطوووووووور.. الابن : روح اضرب حاآآآآآآآلك. الاب : يووووووووه ....... ام م م م محمآااد تعالي شوفي ابنك ضناكيييي ...... مش رآاادي ينزآل.. الأم : ابو محمآااد الله يؤصف عمرآاااك وعمر ابناآك , انا بدي اشتغل فيكووو هئيتاآاااه . * في ' عبدون ' يقولونها هكذا : الام : ماما سمير انزل عن الشجرة هلأ بتوئع وبتنكسر ايدك وبصير عندك واوا الابن : ماما , معليش خليني please يا ماما.. الأم : والله يا ماما انا خايفه عليك... يالله يا حبيبي مشان الماما انزل بس هالمره .... حبيبي سوسو ... دلوعة الماما. الابن : ( يبدو غاضبا ) طيب ماما هيني نازل بس وحياتك اليوم مش رايح اشرب الحليب ولا راح آكل my lunch .؟؟؟
هههههه مشكوووووووور
في العراق ولك ( كسره تحت الواو ) يا كاظم إنزل عن النخل هسه توgع
↑ Grab this Headline Animator
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..