يوم وحداتي خالص ...... سالب / موجب

[ابو عدي]

يوم وحداتي خالص ...... سالب / موجب - يوم وحداتي خالص ...... سالب / موجب - يوم وحداتي خالص ...... سالب / موجب - يوم وحداتي خالص ...... سالب / موجب - يوم وحداتي خالص ...... سالب / موجب

امبارح كان يوم وحداتي من اوله لأخره .... الصبح تعرفنا على صديق جديد بالموقع ورافقني طول النهار ... رحبوا معي بصديقي الجديد وصديقكم الدائم ... الشب الخجول المتواضع ابن مادبا الابية .... ابو ابراهيم (جهاد علي).

رحت ابث مباراة الوحدات والفيصلي .... جربنا النت بالطريق زي الفل ... وصلنا متأخرين شوي وابن الستين في سبعين لا انا نت ولا بشتغل .... طرقطقت روحي وما انقذني الا ابو ابراهيم .... سحب هالفلاشة من جيبوا وتمكرم علينا وبثينا المباراة ..... بس السؤال ليش ظل مخبيها عني اكثر من 5 دقايق وانا بتفعفل

بعد المباراة رماح على الزرقا والتقينا مع قدومي شفيع عند ابو عبد الغني وعرفنا حاجات عن الترتان (النجيل الصناعي) .... المهم وزي ما هي عوايد العرب رحنا (نرشف) فنجان قهوة عند قدومي شفيع .... كرم لو شافه حاتم الطائي رمى حاله من برج ايفل قبل ما يبنوه .... بس السؤال اشمعنى جابلنا ميه باردة وعصير منجا والقهوة مع بعض؟ اي هي مسابقة؟ والا حامي بارد وخلص؟

رجعنا لمادبا ولهطنا الغدى ع الواقف ويا دوب صلينا على الكهربا ونظام (جلدة كاروه) على استاد عمان .... راح معي ابو ابراهيم وابني عدي وزمينا من ع الطريق صديق ابني .... التقينا بمحمد العباهرة كمان وصارت (فل هاوس) ... شو الكم بطولة السالفة مباراة (طقع) اشي بيخزي .... عجبني هذاك الزلمة شكله طالع رحلة بولادو التوم وداخل الاستاد بالغلط ... جايبلهم شيبس وحاجات تسالى واخذلهم شوية صور واخذها من قصيرها وفكح بدري ... نيالو .... بس ليش ما تصور معي والله كنت مجهز حالي بابتسامة ومستنظر!!!

كل هذا اللي قلته كوم وصاحبي حبيبي ... الديتو .... الروح بالروح ... تركني و سابني وطنشني وما سألش بيه و (أعد) = قعد بالمنصة!!!!

بدي حق عرب ..... بدي حق عرب .... بدي حق عرب

همسة : الموضوع لا يكتمل الا بقراءة التعليق رقم 72 بالصفحة الخامسة.

[أنس عيد]

- - - -

بعين الله يا أبو عدي ( هيك بصير في الجماهير ) الواحد بنهلك علشان النادي وغيرها مش سائل

الله يعطيك الصحة

[باسل بدير]

- - - -

فيلكس نط من 39 كيلو عالارض وانتا بعدك بدك حق عرب

نرجع لموضوعنا شو صار مع ابو عبد الغني

[عبدالله الكعكة]

- - - -

نبلش من الاخر ..
يعني احنا جايين نهدي النفوس والله يعني بروح على المنصة وانت بترن عليه وينك وبنستنى فيك .. فيها كلام
يعني كمان كبرت علينا بيوم وليله .. وصيلنا على 3 منصة فئة a و واحد ساده
هههههههه


اما الزلمة إلي طالع رحلة ههههههههههههه انسى غرامك راااااح ، من الاخر ويهنياله
نازل تصوير بولادو بالمدرج ..وبالملعب .. ومش عارف شو .. وشبيس وعصير وبزر
هههههههههه رحلة بتجنن

بس نسيت شغله عمي
ذاكر العائلة إلي كانت على مضمار الملعب باخر المباراة وراء الجووول وهي شغالة ههههههه برضو كانهم طالعين رحلة بس واصلين متأخرين
مش فاهم شو قصة هداك اليوم...
حتى انه المباراة كلها كانت اقل من مستوى حصة تدريبية ...

[أبووسام]

- - - -

ههههههههههههههههههههه قصتك حزينة عمي أبوعدي

آآآآآآآآآآآآآآآآآآآآخ يا خواصري من الضحك

> يتبع لي عودة ..

[ابو عدي]

- - - -

اقتباس: المشاركة الأصلية كتبت بواسطة باسل بدير     فيلكس نط من 39 كيلو عالارض وانتا بعدك بدك حق عرب نرجع لموضوعنا شو صار مع ابو عبد الغني

ما بحكي الا بعد ما يجيني حقي من (ابو المنصات) ..... انت لو تعرف مين هو ما بتصدق يا زلمة .... يا باياه لو تعرف مين بس!!!!! افففففففففففففففففف

[ابو عدي]

- - - -

اقتباس: المشاركة الأصلية كتبت بواسطة أنس عيد     بعين الله يا أبو عدي ( هيك بصير في الجماهير ) الواحد بنهلك علشان النادي وغيرها مش سائل الله يعطيك الصحة

ما انت مش عارف هظا اللي قعد بالمنصة حبيبي الروح بالروح ... توأم روحي ... بتقدر تقول هيك زي (انا وهو) يعني هههههههههههه

[ابو عدي]

- - - -

اقتباس: المشاركة الأصلية كتبت بواسطة JUVE     نبلش من الاخر .. يعني احنا جايين نهدي النفوس والله يعني بروح على المنصة وانت بترن عليه وينك وبنستنى فيك .. فيها كلام يعني كمان كبرت علينا بيوم وليله .. وصيلنا على 3 منصة فئة a و واحد ساده هههههههه اما الزلمة إلي طالع رحلة ههههههههههههه انسى غرامك راااااح ، من الاخر ويهنياله نازل تصوير بولادو بالمدرج ..وبالملعب .. ومش عارف شو .. وشبيس وعصير وبزر هههههههههه رحلة بتجنن بس نسيت شغله عمي ذاكر العائلة إلي كانت على مضمار الملعب باخر المباراة وراء الجووول وهي شغالة ههههههه برضو كانهم طالعين رحلة بس واصلين متأخرين مش فاهم شو قصة هداك اليوم... حتى انه المباراة كلها كانت اقل من مستوى حصة تدريبية ...

هذول انا ما نسيتهم بس كنت ناوي احشيهم بالنص ..... بس هظا تاع المنصة يطلع من تحت الخبيزة

[ابو عدي]

- - - -

اقتباس: المشاركة الأصلية كتبت بواسطة أبووسام     ههههههههههههههههههههه قصتك حزينة عمي أبوعدي آآآآآآآآآآآآآآآآآآآآخ يا خواصري من الضحك > يتبع لي عودة ..

شو قصتنا هاي مع عودة؟ في بنك عودة وفي عمي عودة ... وفي على تعود بهجتنا والافراح .... حدد موقفك

اطلع يا ابو المنصات اطلع ترى شايفك

[باسل بدير]

- - - -

اقتباس: المشاركة الأصلية كتبت بواسطة ابو عدي     ما انت مش عارف هظا اللي قعد بالمنصة حبيبي الروح بالروح ... توأم روحي ... بتقدر تقول هيك زي (انا وهو) يعني هههههههههههه

جمال نشوان

[ابو عدي]

- - - -

اقتباس: المشاركة الأصلية كتبت بواسطة باسل بدير     جمال نشوان

لا راح تفكيرك لبعيد !!! يا زلمة معقول يعملها؟ لا حرام عليك يا (زالم) = ظالم

[مالك]

- - - -

مين مزعلك ابو عدي

[باسل بدير]

- - - -

اقتباس: المشاركة الأصلية كتبت بواسطة ابو عدي     لا راح تفكيرك لبعيد !!! يا زلمة معقول يعملها؟ لا حرام عليك يا (زالم) = ظالم

ما دام حكيت حبيب الروح وتوأم روحك معناته ما فش غيرو حبيب الشعب جمال نشوان ابو احمد

[ابو عدي]

- - - -

انا بدي أروح انام ... بدي أصحى الصبح الاقي حق العرب هون ملقح ...

جهاد يا ابن علي يا ابو ابراهيم مليش دخل بدي حقي

[مالك]

- - - -

اقتباس: المشاركة الأصلية كتبت بواسطة ابو عدي     انا بدي أروح انام ... بدي أصحى الصبح الاقي حق العرب هون ملقح ... جهاد يا ابن علي يا ابو ابراهيم مليش دخل بدي حقي

اذا مزعلك باسل بدير ابو دشداشة معناته وصلت انا بدي هاي الفرصة من زمان