برجع وبحكي ...
كل اللي بصير بالنادي عبارة عن لوي ذراع من جهة ، وتأمين مصالح معينة من جهة ، وتشمّت بناس من جهة ، طبعا للأمانة أيضا الخوف على مصلحة الوحدات من جهة ، لأنها ما بتخلى من الناس الطيبين .
طبعا كل سنة وخاصة بعد نهاية كل موسم ، حتى لو جبنا كأس العالم ، بنصير نتحركش ببعض ، بالظبط زي طلاب المدارس لما تخلص المدرسة ، ويروّح المدرّس ، ما حدا بقدر يظبنا ، وهاااااااااااااااي حلاوتنا !!
شو بدكم بطولة السيرة ، أنا وعلي بعرف حالي وبعرف الوحدات منيح ، ومش الوحدات اللي بنكسر ، ومش الوحدات اللي بنضغط عليه ، ومش الوحدات اللي بلتوى ذراعه ، مر علينا كثير ناس وعرفنا كثير ناس ، أعطيناهم بإرادتنا مع أنه طريقتهم غلط ، حتى لو شوحولنا بالاعتزال والظحك عاللحى ، بس أعطيناهم لشبعوا ، هاي الطرق كانت ولا زالت لأنهم عارفين الضغط الجماهيري ، والمشكلة انه بتلاقي المحرض الرئيسي منا وفينا ، وكله ضغط بضغط وتكسير عظم .
المهم .. صغرها بتصغر ، واذا مش راظية تصغر ، أبوها لتصغر ، خليها عمرها ما صغرت ، خليها بكبرها ، أصلا ما بتحلى الا لما تكبر وتشعلل ... بلاش يروح مخكم لبعيد ، أنا بسولف عن المشاكل !!
فوق كل هاظ ، وحتى لو مشينا على جمر النار ، أنتوا ما بتعرفوا جماهير الوحدات ، اللي عالجمر بتكزدر كزدرة ، وأصلا متعوييييييييدا دايماً ، تمشي عالجمر ، وتهز الأرض هّز ، وتشعللها ، بلاش تفهموني غلط ، أنا بحكي عن الجماهير .!
شو بدكم بطولة السولافة ، هاظ واحد بسأل الدكتور ، بقولوا يا داك ممكن طبيعة الدم تتغيّر ، قال طبعا ، واحد صكع مثلك بكون دمّه بارد ، وفي ناس دمها حامي ، وفي ناس ما عندهاش دم أصلاً !!!
فكركوا .. اللي مغلّب آلاف الجماهير شو نوع دمّه ؟؟!!
على كل .. الله يسامح الجميع ، أنا فصيلة دمّي وحداتي وما بتغيّر ، خليني أشوف الشباب شو فصيلة دمها ؟؟؟