مع اني ارى ان هذه البادرة لغايات انتخابية بحتة ولا اعلم فعليا ان كان جميع المدعوين سيحضرون , ولكن لعله يكون فيها خير على نادي الوحدات مع اني اشك ان يتفق العرب على شيء فيه فائدة لهم..!!
اما فيما يتعلق بموضوع اقامة الدعوة في غمدان وليس في المخيم فالوحدات ليس حكرا في منطقة معينة ولا لفئة معينة من الناس , والشخص الصادق المخلص لناديه, يحمل قضيته في صدره اينما حل وارتحل , بينما من تهمه مصلحته الشخصية فقط سواء لمنصب او لاجل المال , فماذا سيفيدنا ان اكل وشرب ونام في المخيم؟؟!!
لعله يكون في هذه البادرة خير على نادي الوحدات مع اني اشك ان يتفق العرب على شيء فيه فائدة لهم..!!
اما فيما يتعلق بموضوع اقامة الدعوة في غمدان وليس في المخيم فالوحدات ليس حكرا في منطقة معينة ولا لفئة معينة من الناس , والشخص الصادق المخلص لناديه, يحمل قضيته في صدره اينما حل وارتحل , بينما من تهمه مصلحته الشخصية فقط سواء لمنصب او لاجل المال , فماذا سيفيدنا ان اكل وشرب ونام في المخيم؟؟!!
ليش يا ابو شوكت هي اللجنة الاجتماعية عاملِه التكريم في صالات النادي الفيصلي ؟!.
قعدنا سنين وأيام وإحنا نحكي إيمتى يجهز غمدان وصالة غمدان وملاعب غمدان وشجر غمدان وبوابة غمدان ، والدود أكل عشب الملعب ، والناس بتطلع تشوي في الملعب ، والصغار خرّبوا العارضات ، والكبار بْيسْكَروا في الحمّامات ، والزُّعران بيحشِّشوا تحت الشجرات !.
هات أعطيني يا ابو شوكت ، شو فيها لو يسوُّوها في غمدان ؟!!.
وحتى في أية صالة غير غمدان ؟!!.
فيها كثير وكثير ونتا بنعرف انه فيها وحنا بدنا ملعبنا يكون احسن ملعب لنشاطات القدم اما احتفاﻻت وتكريم وزيارات ﻻزم تكون بالمخيم واذا بتحكي جد بجاوبك مجلدات اما اذا بتنكش مخك بكتفي بهذا القدر ههههه
فيها كثير وكثير ونتا بتعرف انه فيها وحنا بدنا ملعبنا يكون احسن ملعب لنشاطات القدم اما احتفاﻻت وتكريم وزيارات ﻻزم تكون بالمخيم واذا بتحكي جد بجاوبك مجلدات اما اذا بتنكش مخك بكتفي بهذا القدر ههههه
والله بحكي عنجد يا ابو شوكت .. والله .
وبدّيش أغلّبك تجاوبني بمجلّدات ، لإنّو زي ما تفضّلِت ، أنت عارف إنّو أنا عارف إيش يعني أن تُقام أية نشاطات واحتفالات ومناسبات غير كرة القدم في غير موقع النادي في المخيم ؟!.
وأنا متأكّـد أنك أنت ومعك أعداد قليلة جدا جدا من أبناء المخيم عارفين هذا الشيء !.
لكن السؤال يا ابو شوكت ، هو أنت حاسب هذا النشاط في غير مجال كرة القدم ؟!.
وِلّا أنت شايف إنّو نادينا ظلّ فيه إشي غير كرة القدم ؟!!!.
أنا يا أبو شوكت ممكن أريّحك كثير ، وأنا اللي أكتب عنّك المجلّدات اللي بتحكي عنها ، هذا لو أنا شايف إنّو هالنشاط هذا في غير مجال كرة القدم ، ولو أنا كمان شايف إنّو كل المعارضين لإقامة هذا النشاط - غيرك وغير الأعداد القليلة جدا جدا اللي معك - لو أنا شايفهم بينظروا لهذا النشاط إنّو في غير مجال كرة القدم ..
أبو شوكت يا غالي ، سيبك !.
أنت والأكمّن واحد اللي معك بيفسّروا هيك لقاءات ومناسبات التفسير اللي بدّك تُكتبلي فيه مجلّدات من الوازع الطيب والنظيف اللي جواتكم .. إنما الغالبية العظمى بتعرف ومتأكّدة إنّو نشاط كرة قدم ، لكنها بتأوّلُه وبتجيّرُه على محمَل رمزية واجتماعية وكيانيّة نادي ومخيم لأغراض إقصائية ، ولاستغلاله في أغراض أخرى - كل العالم عارفها - خاصة الأيام هاي .. فسيبك منهم !!.
أهة ، هذا سؤال منطقي ومشروع ..
بناء على أن النادي أصبح مهجورا من كل شيء !.
وممكن يِتجاوب عليه بسؤال آخر ،
ليش مِش في غمدان ، أو في أي موقع مناسب آخر ؟!.
ووالله يا أبو أحمد إنّي بحكي عنجد ،
عشان ما تفكّرنيش زي ما أبو شوكت فكّر .. بنكش مخّاتي .
يعني هو مقر النادي في المخيم مْخلِّص ومْختِّم كل النشاطات غير كرة القدم ، ومِش مْخلّي مناسبة وطنية ولا ذكرى تاريخية ولا وِقفة قومية إلا عاملها ، وأجت على هذا النشاط ووقَّف ؟!!!.
والسؤال هذا مِش من هسّة ، من زمـــــــــــــــــــان !.
