تعالوا جاي : خلينا نغني تراث فلسطيني

[حنان عبد الرحمن عز]

- - - -

ف ايدي سجاره و تكيت سكنها
تحيا فلسطين و اللي سكنها
و انا لو اعرف غير الابطال سكنها
جيوش صهيون ما الها حساب


من الحج

[حنان عبد الرحمن عز]

- - - -

أول كلامي نمدح نبينا ---- يوم القيامة يتشفع فينا
دخلك يا ربي وشو سوينا ---- ما عملنا خطأ لهذا اليوما
أول ما نبدا النبي نصلي ---- ع اللي في ايديها ذهب عثمللي
جوز المليحة يعبر ع الجنة ---- جوز الشنيعة ع الطوابينا
حتى ع الداعي اصبح مش مفطر ---- واقع في حبك في ألم مخطر
جابولي الدكتور شاطر ومحظر ---- قللي من الهوى جرحك مسموما
حملت الجرة ونزلت تتمللي ---- اخدودها يا تفاح في وسط السلة
لاقاها العالم نازل يصلي ---- مزّع اللفة وداير مجنونا
حبي ظربني بعرق ملوخية ---- أثر في جسمي مثل الشبرية
يا اللي سافرتوا ع بلاد بعيدة ---- قلبي معاكم وش طالع بيدي
بطلب من الله العالي المعبود ---- نتهنى بشوفتكم في فلسطينا
نزل ع الدبكة ولقط بحده ---- ايده ع الخاتم الله لا يرده
شوفوا حبيبي حمّرة خده ---- يسوى الخواتم واللي يطبعونا


من الحج بس تحفه

[حنان عبد الرحمن عز]

- - - -

جفرا يا هالربع بين البساتين ---- مجروح جرح الهوى يا مين يداويني
هي يا حاملة الجرة ميّلي وسقيني ---- بلكن يطيب الجرح ع يد البنيّة
جفرا يا هالربع تحصد في زرع الدير ---- والسر اللي بيننا وش وصّله للغير
والله ان شح الورق لأكتب ع جنح الطير ---- وان كان ما في حبر هيلين يا عينية
جفرا يا هالربع تعبي التبن في الخيش ---- واللي جوزها نذل ترخي السوالف ليش
يا حسرة المدللة للنذل أعطوها ---- ومن بعد مشي الغوا تمشي بذليّة

[حنان عبد الرحمن عز]

- - - -

يا زريف الطول على الجبل العالي ---- سوسحت قلبي يا عنق الغزال
ليجي لعندك وادشر اشغالي ---- واقعد ع دربك واغني ميجانا
يا زريف الطول يا أسمر يا مربوع ---- واللي نزل البير يحسب للطلوع
هاجرنا القدس وعلى الله الرجوع ---- خضر ابو العباس يجمع شملنا
يا زريف الطول قاعد ع البلاط ---- لحظته بعيني بتنشّغ من العياط
وان كان يا ولفي على عقلك رباط ---- ندشّر الحصاد ونتبع بعضنا

[حنان عبد الرحمن عز]

- - - -

يا إم العين الكحلا وخد الغمّاز ----- غير بعنقك ما يحلى عقد الألماز
لما مسكتي في الدبكة مسكتي ع الراس ---- بحفلة عرس بدي احكي وف قلبي امواس
وع نقرات الدربكة القد المياس ---- مال ومالت في مكة نخلات الحجاز
رديتي ع الشبابة وهربجتي النار ---- ونار العاشق شبابة يا ام الزنار

[حنان عبد الرحمن عز]

- - - -

يا شجرة الزيتون .. يمته يجي الغالي؟

شقد ناس يحبون .. محد مثل حالي..

ناطر واعد هموم .. كل يوم اقول اليومْ

يمكن يجي الغاليْ

لا قطع و اقطع ظنه ... لا خبر يوصل عنه

لو راد اله اتعنه ... اقطع الربع الخاليْ

يا شجرة الزيتونْ

لا مسافر و باكر يردْ... و لا مبتعد حتى ابتعدْ

شتريد قتله يا ورد؟... قال لي البحر عاليْ

يا شجرة الزيتون... يا شجرة الزيتون

تراث منقول

[حنان عبد الرحمن عز]

- - - -

اقتباس: المشاركة الأصلية كتبت بواسطة صمت البشر     هههههه اذا بصير معي هيك ..راح أرفع قضية عليك لأنك بتحرضي الأهالي على تخليل البنات وفرصة اني أغنيها بنفسي خللها يابوها ..خللها خللها يابوها ..خللها مهر غالي ما ندفعلها خللها يابوها ..خللها مهر غالي ما ندفعلها ... هالعروس حلوة وست بدور غلّي مهرها حتّى تبور ضلّك عالعرسان لفلف ودور والله عمرك ما تفرحلها خللها يابوها ..خللها مهر غالي ما ندفعلها غلّّي مهرها في العلالي واطلب هالحفلة في أفخم صالة وبchرة راح تجيك لابسة بالة والعريس المديون ليبهدلها خللها يابوها ..خللها مهر غالي ما ندفعلها رِبْيَتْ عالدلال بنت المختار زيد المطالب وارفع الأسعار وبchرة بوخذها عريس ختيار يمكن بعد اسبوع يرملّها خللها يابوها ..خللها مهر غالي ما ندفعلها

سدئني رح تدفع



إحنا الفلسطينيات مهرنا غالي .... ما منوخد غير الشبْ اللي جبينو عالي

ما منوخد غير الشب اللي بيحمي أرضو ... واللي كل حبة تراب هي دمو وعرضو

إحنا الفلسطينيات مهرنا معروف .... وبين كل الناس مشهور وموصوفْ

ما منوخد غير الشب اللي روحو على كفو .... اللي بتحدى الموت مهما العدا اصطفوا

إحنا الفلسطينيات بنات ذات الهمهْ ..... مهما الحرب تشتد بتزيد عنا الهمهْ

وحياة كل حبة تراب لنرد الأعادي ... ومهما طلبت الدار بنعطيها وزياده

إحنا الفلسطينيات ما منهاب الردى .... جنب رجالنا ع طول بالحرب والفدا

يا الله يا أهل البلد خلو الإيد ع الإيد ْ ... زفوا الأرض للشمس وملوا العرس زغاريدْ.

[حنان عبد الرحمن عز]

- - - -

زفوا العروس وزغردوا وعلوا الفرحْ

صرلي عمر ناطر وموالي انجرح ْ

أحلف يمين ويا هلي قلبي اندبحْ

عاشق وشمس بلادنا هي الدوا

ريحة ترابك يا أرض مسك ابتسمْ

دمي يصلي وكعبتو فوقك علم ْ

زفوا وخلوا السهل يرقص للقممْ

وناي الشجر يحلف بهمتنا سوا

زفوا العروس وزغردوا ... شمس البلاد بتسعدو

العرس الفلسطيني ابتدا ... زغروده يمه وزغردوا

ما احلاك يا بنت الأصلْ ... إيدي ع إيدك تكتملْْ

نمشي نحرر أرضنا ... بيوم النصر لم الشملْْْ

نمشي يا خلي والوطنْ ... يشهد علينا والزمنْْ

نعطي ونكتب حبنا ... ثوره بتتحدى المحنْ

والله يا بنت البلدْ ... حب الأرض هو السندْ

نفدي نقدم روحنا ... والدم شلال ومددْْ

يا خلي درب محددهْ ... إيدك ع إيدي نفتدي

نقاوم ونرسم شمسنا ... ونكسر جنود المعتدي.

تراث منقول

[حنان عبد الرحمن عز]

- - - -

يا ام الشهيد والدم الغالي الغالي

مشينا الطريق وبيرقنا عالي عالي

نحلف بدرب الشمس لا .. ما منتراجع ْ

نحلف بالدم الغالي لا .. ما منتراجعْ

سيف فلسطين يا صخر من بلادنا

دم الشهيد يا أمانه بأعناقنا

نحلف يمين بالقدس وغزه وحيفا

نمشي الطريق ورايتنا الشمس وسيفا

إحنا انتفاضة أرضنا .. ما منتراجع

إحنا انتفاضة حقنا .. ما منتراجع

يا ام الشهيد والدم الغالي الغالي

مشينا الطريق وبيرقنا عالي عالي

[حنان عبد الرحمن عز]

- - - -

هي .. هي .. هي . يا يما جينا جينا

كل الطرقات يا يما بتنادينا

شعلة غضب نار ولهبْ يا فلسطيني

سيف وعلى الباغي انتصبْ يا فلسطيني

سلاحْ الحجرْ لما انتشرْ يا فلسطيني

صار الصخرْ يقدح شررْ يا فلسطيني

فجر انتفاضه وابتدا يا فلسطيني

عرس البطولة والفدا يا فلسطيني

هي .. هي .. هي .. يا يما جينا جينا

كل الطرقات يا يما بتنادينا

عزمك صخر عزم الجبلْ يا فلسطيني

إيدك بيوتك والسهلْ يا فلسطيني.

تراث منقول

[حنان عبد الرحمن عز]

- - - -

زفوا العروس وللوطن طرحة فدا ... مهر الأصيله بأرضنا نرد العدا

مالت علي وصوتها قلبي ارتدى ..... قالت يا خلي دمنا لبلادنا

مالت وزندي الأرض وصمود الشجرْ ... كل البيوت الواقفة بوجه الخطرْ

سيف الفلسطيني صموده والحجرْ .... واحلف بحبك عرسنا في نصرنا

[حنان عبد الرحمن عز]

- - - -

خيلي وخيلك يا خيالْ وقفة عز وعزم جبالْْ

الأرض بتطلب واحنا نسدْ بتعطي ولاد منعطي رجالْْ

حبك والله يا فلسطينْ خلا اولادك فدائيينْ

صمدوا بساح الحرب وهبوا وثاروا ضد المحتلينْْ

تشهد علينا الأزمانْ رجال وأطفال ونسوانْْ

مشينا الدرب وما منكلْ وبالدم الحق بينصانْ

خلي العالم كله يشوفْ وجه الغاصب ع المكشوفْْ

ويعرف كيف الحجر اتصدى وما خاف البطش المعروفْ

حجر وإحنا إيد بإيدْ نعلي نهار ونعطي نزيدْ

ما منبخل والأرض تنادي يا اولادي بكره الزغاريدْ.

[حنان عبد الرحمن عز]

- - - -

طلع الفجر علينا == طلع الفجرْ

شمس ومن إيدينا == شمس النصرْ

شعبك يا فلسطين == صامد ما بلينْْ

ماشي والله ماشي == للنصر المبين

نحلف بالبيارهْ == والقرية والحارهْ

وزنود الجبارهْ == للنصر ماشيينْ

نور الحق بيسطعْ == من رايتـنا بيطلعْ

وكل العالم يسمعْ == إحنا فدائيينْ

ما منهاب الغاصبْ == منقاتل ونحاربْ

بنار الزند الغاضبْ == بحجارهْ وسكاكينْ.

تراث منقول

[حنان عبد الرحمن عز]

- - - -

زفوا العروس وللعرسْ == فارس بسيفو والترسْ

وصلت إيدينا للشمسْ == أرضك فلسطين الهنا

زفوا يا أهلي وزعردوا == النصر هل بموعدو

علوا الأغاني ورددوا == وخلوا البيوت مزينهْ

غزة تعانقها صفدْ == والقدس تضحك للبلدْ

أرضي يا أغلى من الولدْ == نلنا وحققنا المنى

قلبي ما عاد بمطرحو == حبك يا أرضي مرجحو

عاشق عينيك بتدبحو == ولمسة إيديكِ حنينا

عاشق ودمعي من الفرحْ == وردة على الأرض انطرحْ

قلبي فلسطين انشلحْ == ريحة ترابك عمرِنا.

[حنان عبد الرحمن عز]

- - - -

يمهْ افتحي الأبوابْ == وزغردي يمهْ

حب الوطن غلابْ == مهما طلب يمهْ

جيتك ودمي سالْ == نعشي زهر أحمرْ

بيكتب هوى وموالْ == والأرض تتعطرْ

يا ام الشهيد وزغردي

واجب وطنا نفتدي

يا ام الشهيد يايمهْ

الأرض نادت يايمهْ

يا ام الشهيد ونادينا

الأرض طلبت وارضينا

نعطيها الدم وتعطينا

الراس المرفوع بيكفينا

يمه افتحي الأبوابْ == جايين رفقاتي

حب الوطن غلابْ == ما نسيو دماتي

بكره شموس الخيرْ == من دمنا بتطلعْْ

وبيرجع لأهلو الطيرْ == والشمل يتجمعْْ

يا ام الشهيد وهيلا هيلا

زفي العريس وهيلا هيلا

زين الشباب هيلا هيلا

غزه يا إمو .. هيلا هيلا

حيفا يا جسمو .. هيلا هيلا

الضفة يا دمو .. هيلا هيلا

علمو فلسطيني .. هيلا هيلا

عربي فلسطيني .. هيلا هيلا.