فعلا الأهم الحصول على مدير نشاط بيعرف يصفله جملتين مفيدتين ،،،، مش واحد بيشجعلي بلجيكا ،،، بالله عليكم هل نحن الوحداتين فاقدين للثقافة و هذا أحسن ما لدينا ،،،، في لقاء سابق على التلفزيون اشوي و بنشلح بنطلوناتنا او ما بظل اشي مخبأ ،،، و لو شد المذيع عليه شوية صغيرة كان طلع كل اللي في بطنه مع مين راح نتعاقد و شو عارضين
و لشو تعلل علينا اذا واحد كاتب على الفيس بوك شغله ،،،، رد عليه هناك ،،، مش تنشر غسيلنا على الملأ
الأخوة المشرفين أرجو عدم تعديل تعليقي ،،،، أنا بحكي عن زياد شلبايه ،،، و اذا أنا غلطان حطو إصبعكو في عيني
لا والله ما انت غلطان..
الوحداتيين المشهود لهم بثقافتهم العالية يمثلهم شخص امام الإعلام لا يعرف اساسيات و لباقة الحديث..!!!
الله يجيب الخير لوحداتنا
وبعدين يا جماعه ان بعد الظن اثم احنا ما بنعرف شو الي بسير ومين الي اقترح اسم المطالقه للعب مع الوحدات سمعنا انو زياد شلبايه فاتحوا بس حسب علمي انو التنسيبات كلها من المدير الفني عبدالله ابو زمع واحنا كجمهور الوحدات مش فالحين الا بالانتقاص من نادينا وادارتنا بصراحه مش فاهم شو الي بسير قاعد ادارة رجعت لقب الدوري بعد غياب موسمين ولقب الكأس برضو ان شاء الله عالطريق ادارة استطاعت دمج اكثر من سبعة لاعبين شباب مع الفريق الاول وطبقت مفهوم الاحلال والتبديل بكل حرفية ادارتنا يا اخوان عملت عمل احترافي كبير مش اي ادارة بالبلد بتعملوا عنا جهاز فني بكامله من ابناء القلعه الخضراء نفسي اعرف ادارتنا بشو مقصره
يمكن انو لو تيجينا اداره زي ادارة الفيصلي او الشباب او اي نادي راح نحس انو ادارتنا الها نكهه خاصه بكفي انها بتسمع مطالب الجماهير الوحداتية وبتلبيها
يا اخوان نجم الفيصلي جريس تادرس لغاية الان ما عمل مباراة اعتزال ونجمنا رأفت علي تقرر موعد مباراة اعتزالوا وهو ما زال لاعب اساسي ومؤثر في الوحدات وبرضو قررت ادارتنا اشراكه في دورات تدريبية وهاض الاشي بحكي شو نادينا بالنسبه لغيروا من الانديه
البلد كلها بتتغنى بالوحدات الا احنا كجماهير للوحدات بنهد بالبيت من جوا