لو أنا مكانك كان حجزت على أول حاويه 40 قدم وجيت بعد شهر بس يا خوفي من الجمارك توخذ منك الكشاط والقداحه وما يمزعوا التذكره عشان يبيعوها مره ثانيه ( سوق سوداء )
الملعب الاولمبي في موسكو عمرو 31 سنه وأنا ساكن قريب مننو في منطقة إزمايلوفا بوصل للملعب مشي وأخونا اليازوري زكرني بالدرك والقداحات والحزام والدور والمدافشه وأكل العصي والمسبات
المهم جاي عبالي احضر مباراه لسيسكا موسكو وإللا المرا بتنيمني برات البيت بلا طول سيري حملت حالي قبل المباراه بساعتين وتمشينا للستاد يا لطيف الطوابير الصغير شي 400 متر للبوابه والكبيره الطوابير مزدوجه اتنين اتنين المهم اوقفنا بالطابور القريب يا رجل أقل من ساعه كنا قاعدين بالاستاد وبعد شوي قامت طوشه بين اتنين سكرانين . انا قلت بعقلي هسسه الدرك بكسر عضام التنين دقيقتين تلاته خلص المشكل لحالو وكل واحد قعد مطرحو وبلشت المباراه بعد نص ساعه وهات يا هتافات من جماهير الفريقين لا في منصه شمال ولا يمين كلهم جوات بعض بدكم الصحيح انا خفت لتولع بيناتهم وصرت من الخوف بدي قوم والمرا تتطلع فيي والشرار طالع من عينيها يا زلمني اقعد وخلصنا بدنا نتفرج .
المهم خلصت المباراه على خير والاستاد اللي كان في بقلبو 50 الف متفرج فضي بعشر دقايق تقول تبخرو .
من الآخر يا جنيدي فتشت على دركي واحد ما لقيت لاني ضيعت شنطة الأكل والشرب اللي جبناها معنا طلعو كل الموجودين بالاستاد موظفين بالبدله الزرقا تابعين للاستاد ومافي ولا دركي واحد بالاستاد
انا متفق مع الشباب من الساعه 12 ان شاء الله نكون بالملعب
وورا الجوووووووووووووووووول اريحلنا ،،
من غاد بتقدر تدير المباراه زي ما بدك
لووووووووووووووووووووووول
والله لو إني في الأردن ما بردني عن حضور مباراة الوحدات بالملعب إلا الموت لازم كل واحد وحداتي ييجي على الملعب حتى لو مالقي مكان يقعد فيه بدنا نخوفهم ونرعبهم من حجم الجماهير الخضراء العريقة انتو الأمل ولازم على الإخوة في الادارة انهم يعملو شاشات عرض كبيرة بالبروجيكتر خارج الملعب هيك بتشجع الكل ييجي لانه اذا ما دخل راح يلاقي مكان يحضر فيه المباراة وجنب الملعب ولا شو رأيكم
2 . ما بتلاقي واحد بقولك يا زلمه مالك ساكت .. غني معانا ول عليك .. وبس اتغني بجيك واحد بقلك كلمة غريبه ( انت ما عندك اذن موسيقية )
3 . لما يجي الجوول بتوقف و بتنط براحتك .. اما بين الشباب تحس لغم ارضي انفجر و كل طلع على ظهرك و خصوصا اذا الله اتعسك و اجا اللاعب الي دخل الجووول قدامكم .. الدرك من امامكم و الثوار من خلفكم .
4 الميزة الاهم انك و انت قاعد ورا الجون بتمارس الحياة الاجتماعية الرائعه من خلال مساعدة الاباء في مسك ابناؤهم و الحفاظ عليهم من العجقه
و كان الله في عون الجميع
والله يا عمي ذكرتني ايام زمان لما كان ابوي يوخذني انا واخواني على الملعب كان يقعدنا ورا الجول عشان الامور الامنية
وهو يروح لحالو لنص المدرج ويرجعلنا بآخر المباراة ولما كبرت عرفت ليش كان يعمل هيك