بنصحى الصبح و اول ما توصل ادينا للنت بندخل على الوحدات نت و بنتابع الاخبار و النا اسبوعين واحنا على اعصابنا جدد درغان وله لاء موضوع العضوية عبدالله ذيب التنازل عن صفة الرسمية الادارة الجديدة طارق خوري فهد البياري تصفيات حسابات التلاعب بالجمهور
الله يسم بدن كل واحد سم بدنا و ان شاء الله بتخرب على روسهم بس بدي اوصل كلمتين لشخص عارف انه هو المستهدف
يعني لعبت لعبتك بالانتخابات و اللي صار رئيس للنادي زي الخاتم باصبعك و كل مجلس الاداراة ما عدا 2
و بلشت تعمل امور تستفز الجمهور فيها واخرها النية لعدم تجديد عقد مدرب ابدع معنا مش بس هيك كان له قصة عشق مع جماهير الاخضر عشان و على اساس انه الادارة برئاسة الخاتم باصبعك و المنفذ لافكارك و بالاخر بتطلع انت من بين الخبيزة و بتحل كل المشاكل و بتعمل اللي عمره ما انعمل عشان نحكي الوحدات ايامك كان مكتسح كل البطولات و لما انت رحت خرب النادي و ان االحلول دايما عندك و نرجع نغني ثوري ثوري و يا بلح زغولي صح ولا مش صح
والله انه الفبلم مبين و السيناريوا و اضح على الاخر بس وحيتك انت الخسران بالاخر و زي ما حكوها كتار الوحدات يبقى
والكل بيروح و الوحدات بجماهيره و بس و الكل فاهم و عارف بس انت مش شايف ............ واعطيها برسيل للصبح
ليش صار هيك معقول بهون عليه الوحدات لهدرجه مش عارف الصح من الخطا الله يعينك يا جمهور الوحدات والله ما انت عارف من وين تلاقيها من جماهير الفرق المنافسه والا من الاتحاد وقراراته والا من الدرك وهذا كوم وادارتنا كوم الي من يوم ما اجت بتتفن بحرق اعصابنا وذبحنا وكانها انتخبت مشان عذابنا وقهرنا لان الجمهور الوحيد الي ما له مصلحه خاصه بعلاقته مع الوحدات وعلاقه علاقه حب وعشق والك الله يا وحدات ويا جمهور ياما نعيش ونشوف وهزلتتتتتتتتت
يا اخوان خلينا واقعيين مش دفاع عن الادارة ولكن العروض على دراجان مسالة عرض وطلب والوحدات قدم اللي بقدر عليه حسب الامكانيات الموجودة وكلنا بنعرف انه دراجان بستاهل اكثر من هيك لكن الايد قصيرة وعروض دول الخليج ما بنقدر ننافسها لانهم بعتمدو على المظاهر ومش فارقة معهم يدفعوا مليون لمدرب ويحلقوله بعد اربع مباريات ويجيبوا غيره، فالاستثمار بالنادي افضل من الدخول بحرب اسعار مع الاندية الاخرى لأن ابناء النادي وخاصة الشباب والناشئين والمنشآت هي افضل استثمار واحسن مية مرة من مدرب يظل معنا بس سنة او سنتين ودمتم.
المشكلة انه الواحد صار يحس انه النادي شركة مش نادي
نفس الاشخاص بتتحكم بالنادي
قبل الانتخابات صار الواحد يعرف مين الي حينجح وشو هو السيناريو
والكل فيهم عم يتصرف بالقرارات كانه شركة ابوه وبحكيلك العضوية وامور الادارة اختصاص الهيئة العامة بس
يا شباب النادي قائم على الجماهير والريع مظلومين فيه ليش ما نعمل اضراب على البطولات المحليه لفتره ما نحضر المباريات وبعدين شوفوا شو راح تعمل الاداره لتنفيذ طلباتنا جربوها وما راح نخسر شئ لان الفريق بدون جمهور ما بسى شئ