أختي أم يحي مشكورة على الطرح الجميل .......... الشتائم هي اّفة بكل أسف وللاسف ايضا هناك الكثير من مشاهدي المدرجات لا يستوعبون فكرة انهم (مشجعون) وما حدث بهذه المباراة لهو الدليل على ذلك، معك بكل كلمة قلتها وأتمنى عليك عدم اعتزال المنتدى فوجود العنصر النسائي يدفع بنا دوما لانتقاء ألفاظنا وهي والحمد لله طيبة بأذن الله دوما ولكننا نحرص على أن تزداد طيبا بوجودكن بيننا.
الوحدات وجد ليبقى ، حضر من حضر وذهب من ذهب ، بتجربة 32 عام تشجيع خلف الأخضر أؤكد لك أن كل الأحبة المتحاملين على اللاعبين الان سيكونون بالمدرجات وسيهتفون لنفس اللاعبين وسيحملونهم على الأكتاف قريبا، هذه ليست أول هزة ولن تكون الأخيرة ................. أراهنك على ذلك؟
ابو عدي
يسلمو يا ابو عدي
لما كانت المباراة شغالة
واحد الاعضاء سب على شلباية
حكاله عضو تاني انه في بنات
ومع هيك رجعوا غلطوا
وشباب الاداراة ما قصروا اتصرفوا
واغلقوا الموضوع
رح ارجع لاني عاشقة للمارد
بس اهدى شوي
الجماهير بطبيعة الحال .. تحوي كل الشرائح .. و تحوي مختلف الطبيعات البشرية ...
لا نستطيع بالمطلق صياغة الطبيعة البشرية و الثقافة الفردية للأفراد في قالب واحد مثالي .. و من الطبيعي أن نجد خروج عن النص من قبل البعض في الجماعة ...
الغضب الجماهيري نتاج لتحطم حلم رافق الكل لفترة طويلة من الزمن .. و بصورة مرفوضة بدت و كأنها هوان .. لكن ذلك لا يسمح لأي فرد بتوجيه الإساءة المرفوضة اللاعبين ...
من جهة أخرى .. على اللاعبين و إدارة النادي و إدارة الفريق .. إدراك ما ذكرته سابقاً .. و هضم ردة الفعل حتى و إن كانت على مضض ...
موفور الشكر لكِ أختي الكريمة على كلماتكِ ...
كلام صحيح يا اخي ابو صلاح
بس المسبة والله بتاذي
المشاعر والنفسية
شغلة وصارت وان شاء الله ما تتكرر
الله يسعدك يا مراد
صح شلباية غلط
بس مش غلطه لحاله وغلط المدرب كمان
دميري لو لعب وابو حويطي دخل بالشوط التاني
وابو عمارة شارك اساسي
كان الوضع كله بيختلف
شلباية مش رافت اللي يقدر يصنع الفارق
لازم نفهم هل شي
انا وحداتية ومستحيل اعتزل تشجيع الوحدات
لحد ما اموت
اعترزالي مؤقت من منتدى الجماهير لحد ما نرجع وحداتين
بكل انتمائنا وحبنا واحترامنا
قال عليه الصلاة والسلام:
"خير الخطائين التوابون"
كلنا غلطنا
انا غلطت لما تركت المباراة وقعدت على الوحدات نت
والجمهور غلط انه شب على الاعبين
والاعبين غلطوا لما هان عليهم زعل كل هل جمهور الرائع
المدرب غلط بتشكيلته وخطته وتبديلاته
الادارة غلطت بتخليها عن رافت...
كلنا لازم نعتذر
ونبدا صفحة جديدة
وانا كلي ثقة
رح نرجع احسن من اول
لما بدا الجمهور يغني لرافت ويسب على شلباية حكيت لعمي هسا لو بنضل 3 ساعات نلعب ما راح نفوز يعني لو في امل 1% راح الامل وكنا بدنا نعمل مشكلة مع بعض الجماهير على شان التشجيع والمسبات لانه الصوت كان طالع من حولينا اولى يمين
لما بدا الجمهور يغني لرافت ويسب على شلباية حكيت لعمي هسا لو بنضل 3 ساعات نلعب ما راح نفوز يعني لو في امل 1% راح الامل وكنا بدنا نعمل مشكلة مع بعض الجماهير على شان التشجيع والمسبات لانه الصوت كان طالع من حولينا اولى يمين