الي بحكي معكم بشجع الوحدات من اول الثمانينات ، كنا نروح عالملعب نهتف لخالد سليم ولجهاد وهشام عبد المنعم ولغسان جمعه ومصطفى ايوب ووليد وجلال قنديل وماجد البسيوني وغيرهم وغيرهم بعدين صرنا نهتف لعبدالله ابو زمع وفيصل ابراهيم وعلي جمعه ورأفت علي وناصر غندور وغيرهم واليوم بنهتف لحسن عبد الفنتاح ومحمود شلباية وباسم فتحي واحمد عبد الحليم وعامر شفيع والدميري وغيرهم وبكره رح نهتف لمنذر ابو عماره واحمد الياس وغيرهم صدقوني ورح نظل نهتف ونهتف بتعرفوا ليش ؟ لأنا بنهتف للوحدات الي حبينا وعشقناه وعشنا معاه احلى سنين عمرنا
يا حيف يا جمهور الوحدات
بتسيئوا لشلباية وحسن عبد الفتاح وعامر شفيع وغيرهم ؟ واااااال انسيتوا الصقر شلبايه والغناني اله والهتاف باسمه انسيتوا الصقر يا جمهور الوحدات ؟ نسيتوا اهداف شلبايه وتمريرات شلبايه وعظمة شلبايه نسيتوا حسن ولعب حسن واهداف حسن نسيتوا حرفنة حسن نسيتوا الشاطر حسن ؟ نسيتوا الحوت وبطولات الحوت وفيع فيع يا شفيع ؟ نسيتوا انتصارات شلبايه وشفيع وحسن عبدالفتاح نسيتوا الرباعيات والافراح والغناني على طلوع المصدار ؟ وااااال هيك بلمح البصر نسيتوا كل اشي ؟
يا حيف يا جمهور الوحدات
هاي هي آخرتها ؟
انا عن حسن وشلبايه وشفيع وغيرهم بحكيلكم ( يا حيف يا جمهور الوحدات ) والله ما توقعناها منكم
انا عن حسن وشلبايه وشفيع بحكيلكم
شكرا يا جمهور الوحدات
والله يا ابو العبد جمهورنا احسن منو ما في بس من كثر زعلهم على لاعبينا صدر منهم هيك اشي وبكرة بتشوف كيف جمهورنا راح يهتف لكل الاعبين واولهم شلباية جمهورنا عاطفي كثير والله يجيب الخير للوحدات
يعطيك العافيه اخ ابو العبد .. حقيقة لقد ارجعتني سنين طويلة للوراء لأيام الثمانينيات والتسعينيات .. نعم كنا ولا زلنا نعشق الوحدات ..
كان الملعب يكون عن اخره ونهزم ولكن لا يوجد اي شخص يتفوه بالغلط على اللاعبين او حتى على الجماهير الاخرى رغم ما كنا نتعرض له من ظلم من جماهير الفرق الاخرى ومن غيرهم!!! وكم هراوه ضربنا على رؤوسا سواء كنا فائزين او خاسرين ...
في النهاية واجب كل شخص يشجع الوحدات ان يحترم هؤلاء اللاعبين الذين يبذلون ويضحون بالغالي والنفيس من اجل الوحدات وأركز هنا ... الوحدات الوحدات الوحدات .. ولا شيء غيره ... فنحن وهم شركاء في هذا الحب والعشق فرأفة بهم وبنا ولنعود لنشجع الوحدات كما كنا ..
نقطه مضيئة :
بالامس اثناء حضوري لمباراة الوحدات واليرموك كنت في الملعب حاضراً وكم اعجبني الجمهور وهم يهتفون للاعبين وللوحدات رغم تأخرنا بهدف من اول دقيقتين ... مما انعكس بشكل ايجابي على اداء اللاعبين الذين فجرو كل طاقاتهم رغم الجراح النازف لديهم وحققوا الفوز وانشاء الله نفوز في باقي المباريات ..
فعلا معك حق 100 % ما بصير جد عيب اللي صار و ما بصير انه جمهور الوحدات يهتف ضد اللاعبين و يشتمهم .. ازا جمهورنا هيك بعمل .. جماهير النوادي التانية شو بدها تعمل فيهم !!!!!!!!!!!!!!!!!!!!
كلامك سليم بليون بالمية يا عم
كفيت ووفيت عن كل شي بقلبي
مهما طال المطال
ومهما حدث
شلباية سيبقى شلباية
وحسن سيبقى حسن
وشفيع سيبقى شفيع
ورافت هو رافت
فنان كل الزمان والمكان
انا ومن وجهه نظري الشخصيه ارى ان الاعب محمود شلبايه ان له ان يعتزل لم ولن ننسى ما قدمه ووقفنا معه وشجعناه حتى اخر لحظه ولكنني اقول لك يا اخي الكريم لا شئ يستحي من اوانه وقد جاء الاوان لشلبايه ان يترجل عن فرسه ويترك الفرصه لغيره ونقول له بارك الله فيك والله يعطيك الف عافيه
انا احضرت مباراة الوحدات واليرموك في الملعب وجلست في الدرجة الثانية وبعد هدف اليرموك سمعت بعض التعليقات من جمهور الوحدات العزيز وللأسف استغربت كثير من بعض الجمهور ( تعليق على المدرب تعليق على التشكيله تعليق على بعض مواقع اللاعبين )وللأسف حسيت جمهور الوحدات كله مدربين ومحللين وبعد الهدفين تعليقات على اللاعب الكبير محمود شلبايه وبعدذلك كرهت حضور المباراه في الملعب
اطلب كل من يحب الوحدات بالفعل ان يشجع الوحدات بكل اخلاص وتشجيع جميع اللاعبين
بحببببببببببببببببببببببببببببك يا اااااااااااااااااا وحدااااااااااااااااااااااااااااااااااااا اااااااات