وين رايح يا اخي
هاد بطنك مليان على جميع اللاعبين
خذ نفس
بدك تعاقب كل اللاعبين
ارحمونا من شواكيشكم يا محللين
خلوا هالمركب ساير
يا أخي الله يسامحك مش بطني المليان قلبي المليان (البطنة مليان الحرامي) معلش يعاقب الكل لصالح الكل ويكافئ المجيد المجتهد حتى الجمهور من يسيئ لازم يبعد، إحنا الوحداتية لازم نكون غير مش زي البقية إن أحسنوا أحسنا وإن أساؤوا أحسنا كمان فنكون بذلك متميزون بكل شيء
دايماً نازلين بالإدارة وتألهون اللاعبين وهم سبب كل هزيمة وكلهم مع جزء من الجمهو (جزء) سبب العقوبات، اللاعب يا بلعب كويس وبعدين بيحكي عن احتراف وغيره، اللاعب فيهم بغلط مرة وحدة ماشي، مرتين ماشي، التلاتة نابتة لازم يقعد على القل على الدكة، بحس ان بعض اللاعبين مغفور لهم كل شي وبعضهم (الهداري والحجمالك) لو جاب الديب من ديله بضل ما له حظ من الجمهور. يعني لازم نكون واقعيين ونكافئ الأي بستاهل ونعاقب المسيء(قالوا من أمن العقاب أساء الأدب)، يعني مش نرفع شعار أكل ونوم وآخر السنة دبلوم، أو القاري و الخا.......ي واحد، اونيالوا إلى العميد خالوه. حتى نتقدم للأمام نكون محترفين في النقد، في اللعب، في المعاملة، والمحاسبة
المجد للوحدات النادي مش اللعيبة. أرجو أن تكون فهمت قصدي - والمسالة مافيها شواكيش وكمشات ومسامير -عدة الطوبرجي علشان يبني بيت كويس لازم يستعمل الشاط
كوش والمسمار والكماشة وأسلاك التربيط وبعدين يصب الأساس والعمدان ويصف الطوب وبعد سنة بيطلع بيت حلو-وإذا ما استعمل الأدوات بشكل صحيح بتطلع الحيطان إمسوكجة وببدى الترقيع والتشربة
صدقني اشي بقرف لسه كل شوي لاعب بستنى عقد يخلص مشان يطقع للوحدات ويشد ع الخليج اسرع من بيل وهو رايح ع جول البرسا..ومتناسيا شي اسمه الوحدات وجمهور الوحدات وحقوق النادي الي رباك وعلمك كرة القدم..
بعد بهدله رافت علي وحسن الموسم الماضي بكون غبي اللي بفكر انه بالوحدات بمامن من غدر الزمان
حركه الوحدات مع رافت بالذات كانت رساله لقتل اي انتماء ..........
طالما ابو عمارة وقع 5 سنين للوحدات قبل هيك فمن حقه يروح وين مابده
في هاي الحالة الغلط مش باللاعب ولا الادارة ولا الجماهير
الغلط في قيمة العقود المتدنية في الاردن بشكل عام نسبة بالخليج
يعني مثلا عمركم شفتوا لاعب سعودي (حتى لو نادي بالدرجة التالتة) بفكر ولو للحظة انه يحترف في الاردن؟؟؟
اكيد لا والسبب انه في السعودية قيمة العقود عالية جدا مقارنة مع الاردن
طيب كيف انا بدي اتمسك في لاعب طيلة عمرة في نادي الوحدات؟؟؟ومااخليه يطلع نهائي؟؟؟
لاعب كرة القدم في النهاية عنده طموح يجيب مصاري بارقام فلكية زي ماصار مع بعض لاعبين الاردن زي حسن عبد الفتاح واحمد هايل وغيرهم
مستحيل يكون في حل لهذه المشكلة الا اذا ارتفعت قيمة عقود الاحتراف في الاردن لتعادل قيمة العقود في دول الخليج
ياسيدي مافيه مشكلة لو لاعبين الوحدات زبطوا وضعهم المادي وخصوصا انه ابو عمارة وقع 5 سنين قبل هيك وماقصر مع النادي
طبعا انا بتمنى ابو عمارة يضل في النادي لكن هاي سنة الحياة والاحتراف واقع بدنا نرضى فيه
بعد بهدله رافت علي وحسن الموسم الماضي بكون غبي اللي بفكر انه بالوحدات بمامن من غدر الزمان
حركه الوحدات مع رافت بالذات كانت رساله لقتل اي انتماء ..........