صادق يا ابو أحمد بدون ما تحلف ؟.
وبعدين شو فيها لما تدافع عن أبو زمع وغير أبو زمع ؟!.
أي واحد بدافع عن اللي بدّو اياه حسب قناعاته الشخصية ..
أنا بدافع عن أبو زمع وبدّي أبو زمع يظلّو مدير فني للوحدات ، ومن وجهة نظري هو الأنسب والأقدر والأفضل حاليًا مع الوحدات ، أو إذا حدا رح ييجي على الوحدات خلال الفترة الحالية وحتى الموسمين القادمين في ظل هذه التركيبة من المنظومة الوحداتية من إدارة ولاعبين وأجهزة فنية وهيئة عامة وجماهير !.
واللي مش عاجبه أبو زمع وبإمكانه ييجي محله أو بقدر يجيب حدا محل أبو زمع يتفضّل ويشمّر عن زنوده ، ولن يكون اللي بدّو ييجي أو بدّو يجيبه أفضل من أبو زمع ،، وأصلًا مش رح يطلع من أمر ولا واحد إنّو يعملها إلّا إذا أبو زمع نفسه استقال ، ونصيحتي إلو :
استقيل يا كابتن أحسن لك ..
وبخصوص خسارة الأمس معظم المسؤولية على اللاعبين ، وخاصة سريوة اللي اشترك خلف المهاجم بناء على رغبات الكثيرين وأربك كل الحسابات ، وصالح راتب اللي أعاده لمركزه المفضل برضو بناء على رغبات الكثيرين ، والاثنين ما لعبوش بشلن ، وهنا يأتي الجزء الباقي من ( معظم المسؤولية ) ليتحمل هذا الجزء الكابتن أبو زمع ، وِلّا بخلّي سريوة ع الخط وبنزّل شلباية مكانه من أولها .
يعني انت بتحكي للأخ هيثم انه رايه وهو حر فيه وبتحكي للآخرين انه ما في أحسن من ابوزمع وبدك ايانا غصب عنا نقتنع فيه!!! عموما ابوزمع صارله 3 سنين مع الفريق وهو مش عارف يثبت تشكيلة أو خطة واتحدى الجميع انهم يذكرولي مباراتين ورا بعض ثبت فيها ابوزمع التشكيلة خلال الفترة اللي تولى فيها الفريق!!!
مدرب بطلب التعاقد مع لاعبين وبالأخير يوضعهم على الاحتياط: ابوكبير وعمرطه والمطالقة والبهداري ومن قبلهم معتز صالحاني ومراد إسماعيل ووترا وغير التعاقد الفاشل مع عدوس...
انا اول العارفين انه ما بنقدر نغير ابوزمع إلا إذا 10 كراسي والرئيس تبعهم قرروا يغيروه وبيني وبينك معهم حق لأنه طراطير زي الجهاز الفني الحالي ما رح يلاقوا... وصاحبك مش رايح يستقيل إلا لما يوخذ الضو الأخضر من البوس الكبير
صادق يا ابو أحمد بدون ما تحلف ؟.
وبعدين شو فيها لما تدافع عن أبو زمع وغير أبو زمع ؟!.
أي واحد بدافع عن اللي بدّو اياه حسب قناعاته الشخصية ..
أنا بدافع عن أبو زمع وبدّي أبو زمع يظلّو مدير فني للوحدات ، ومن وجهة نظري هو الأنسب والأقدر والأفضل حاليًا مع الوحدات ، أو إذا حدا رح ييجي على الوحدات خلال الفترة الحالية وحتى الموسمين القادمين في ظل هذه التركيبة من المنظومة الوحداتية من إدارة ولاعبين وأجهزة فنية وهيئة عامة وجماهير !.
واللي مش عاجبه أبو زمع وبإمكانه ييجي محله أو بقدر يجيب حدا محل أبو زمع يتفضّل ويشمّر عن زنوده ، ولن يكون اللي بدّو ييجي أو بدّو يجيبه أفضل من أبو زمع ،، وأصلًا مش رح يطلع من أمر ولا واحد إنّو يعملها إلّا إذا أبو زمع نفسه استقال ، ونصيحتي إلو :
استقيل يا كابتن أحسن لك ..
وبخصوص خسارة الأمس معظم المسؤولية على اللاعبين ، وخاصة سريوة اللي اشترك خلف المهاجم بناء على رغبات الكثيرين وأربك كل الحسابات ، وصالح راتب اللي أعاده لمركزه المفضل برضو بناء على رغبات الكثيرين ، والاثنين ما لعبوش بشلن ، وهنا يأتي الجزء الباقي من ( معظم المسؤولية ) ليتحمل هذا الجزء الكابتن أبو زمع ، وِلّا بخلّي سريوة ع الخط وبنزّل شلباية مكانه من أولها .[/QUOT]
يا أبو أحمد يا بركه الله يمسيك بأنوار النبي وجمعه مباركة عليك .. لاعبين المنتخب كلهم باستثناء شفيع والياس اللي ما لعبش مبارح ما شافوش الملعب من شهرين كلها تمارين بتمارين طبيعي جدا يكونوا بره المستوى من مباراتين ل ثلاث لما يرجعوا احساس المباريات التنافسية إحنا فاهمين ما بجينا من المنتخب الا دمار اللعيبة كان نفسيا ولا بدنيا وبدنا نتحمل عشان هيك وكونه كمان الياس غايب اضطر ابو زمع يشرك صالح ارتكاز مع رجائي ولا على مستواه مع الصريح المفروض بره الكشف كله وكونه سمير رجا ما شفناش خيره من شره ورجائي دمار العادة يلعب ارتكاز لحاله او حتى جنب عامر ذيب راح ابو زمع مضطرا على اشراك صالح راتب بس أنا معك بجزئية شلباية اساسي بدل سريوه كونه الثاني احترافه رجه سنه لورا وهاي نتيجة الاحتراف ابو 30 الف وامشي !!
ابو زمع من الدقيقة 70 مطلع ظهير ومنزل مهاجم ثالث وكأنه بنلعب نهائي كاس عالم وضايل 5 دقايق للمباراة ليش ??
انت بتلعب مع فريق مسكر الدفاع ومستلحم مفروض تفتح عالاطراف مش تطلع الظهير مشان لاعب صانع او مهاجم ثالث !!
الشمال قاهرني عالاخر مرة بودي ابو عمارة ومرة عامر ذيب والثنين عاليمين ولاعب اليمين بس تحطه عالشمال بخسر نص خطورته وهذا مفهوم ليش لليوم ولا لاعب شمال معطي عالقليلة نص خطورة اليمين
??!! لانه ولا واحد كان البشتاوي ولا ابو كبير ولا احمد هشام مسك اساسي وتثبت عالشمال وهذا مش منطق ..
شفيع مقدم السبت والاحد والاثنين والثلاث وللجمعه صعب ومش طالعه معي اقوله الحق عليك بالهدف
بصراحه الخسارة اللي لا عالبال ولا عالخاطر بتسطح يعني كإنهامدوبلة الواحد من مبارح مش شايف الضو يعني كيف تكون العاصفة هدى وانت طالع مشلح وواحد يطبلك سطل مي مثلجة هيك تقريبا .. وسلامتك
سلامة تسلّمك أخوي أبو ثائر ،
وليكون أنا الوحيد فيكم اللي شايف الضوّ ؟!.
ما أنا مِن لما روّحت مبارح لهسة وأنا زي اللي ماكل ألف كفّ في العتمه مش سطل ميّ بارد في هدى !.
لا يا أخي أبو ثائر ، كلامي فوق بعيد جدا عن حالة اللاعبين نفسيا أو بدنيا بعد عودتهم من المنتخب ، فأنا غير مقتنع بأي مبرر لأي لاعب في المنتخب من هذا القبيل ، بل على العكس المفروض يكونوا نار لما ينزلوا يلعبوا مع الوحدات زي منذر أبو عمارة لما نزل يوم اليابان !.
أبو كبير ، وحسب ما علمتُ أنه تجدّدت إصابته ، وبالأمس ما شفتوش مع اللاعبين اللي بحمّوا قبل المباراة ما تبدأ ، إلّا إذا عَمَيان القمار مبلّش قبلها ..
البشتاوي ، من اللاعبين الذين امتعض الكثيرون من إشراكه في مباراة الصريح ، وربما كان عدم إشراكه في هذه المباراة نزولًا عند رغبات الكثيرين ..
أحمد هشام ، مش لاقي إجابة عن عدم إشراكه في الجناح الأيسر !.
وللأخ الذي سألني ، وللإخوة الذين اتصلوا بي للسؤال عن ( الكثيرين ) مين هم ؟.
أنا واحد منهم ، وأنت أخي أبو ثائر واحد منهم والأخ رفقي ( السينمائي 30 ) واحد منهم في موضوعه اللي كنا نتناقش فيه ، وكل من أيّد تواجد سريوة خلف المهاجم وصالح يعود لمركزه المحوري منهم خاصة في ظل غياب أحمد الياس عن هذه المباراة في نفس ذلك الموضوع ، والصالونات الرياضية ونقاشات المنتديات منهم ، وجلسات الإخوة الأفاضل في النادي منهم وسهراتهم في المقاهي منهم ..
وهيّو عبد الله أبو زمع وظّفهم في المراكز اللي بفضّلوها اللاعبون ، ويراهم فيها الكثيرون ..
شو عملوا هُمّه وغيرهم من اللاعبين ؟!.
يعني انت بتحكي للأخ هيثم انه رايه وهو حر فيه وبتحكي للآخرين انه ما في أحسن من ابوزمع وبدك ايانا غصب عنا نقتنع فيه!!! وصاحبك مش رايح يستقيل إلا لما يوخذ الضو الأخضر من البوس الكبير
لاحظ إنّي اقتبست ما هو من حقي أن أرد عليك فيه وشطبت باقي ردّك لإنّو أنت حر برأيك ، وليس لي أن أجادلك في رأيك ووجهة نظرك ، كما أنه ليس لي أن أفرض رأيي عليك اللي أنت فسّرته إنّو فرض رأي عليك ، لا بل عليكم كلكم لما تكتب ( غصب عنا ) .
أنا هذا رأيي يا طيّب وأنا حر فيه ، وأنا شايف عبد الله أبو زمع أستاذ المدربين وشيخ المدراء الفنيين وأنت إن شاء الله بتكون شايف الصوص - مع الاحترام له - أحسن منّو فأنت حر ..
هاي وحده ، والثانيه مع كل الاحترام لشخصك اللي ما حصلّيش الشرف بالتعرف عليه ، بلاش كلمة صاحبك وغيرها لا معي ولا مع غيري ..
واسمح لي بما إنها صارت موجّهة إلي هاي الكلمة فهذا طلب بطلبه منّك ما تعيدهاش معي لما بدّك تقتبس ردّ إلي وتردّ عليّ ، وفي نفس الوقت فهي نصيحة لك إذا كانت موجّهة لغيري ، والطلب لازم تنفذه لإنّو بخصني ومش عاجباني هالكلمة تصدر من واحد ما بعرفوش ، أما النصيحة فأنت حر توخذ فيها أو لا ..
مع اعتزازي وفخري أن يكون الكابتن عبد الله أبو زمع صاحبي .
كلام خطير ابو احمد اللي بتحكيه!!!!!!!!!!!!
فلان اشترك خلف او امام بناء على رغبة الكثيرين واعاد فلان وبناء على رغبة الكثيرين ومالعبوش بشلن!!!!!
هل يريد ابو زمع بتنفيذ هذه الرغبات ان يتبث ان مايكتب على صفحات المواقع بسواش شلن؟ والا أجت صدفة هاي التوظيفات
فاذا كانت الأولى فهذه مصيبة واذا كانت الثانية فالمصيبة أعظم
بالنتيجة كلنا نختلف مع أو ضد كما قال الأخ نشأت ولكن الأهم كلنا الوحدات
للاسف كنا ننتقد حسام حسن وتغيراته مع العلم ان حسام حسن يعتبر مدرسه لابوزمع ( مع اني لا احبه )
ومع ذلك لايوجد نقد لابوزمع الذي لا يفقه شيء بالتدريب .
الوجدات ليس وحدات واصبح مطسه الفرق الهابطه او المهدده بالهبوط ..
نتكلم بعد كل تعثر نفس الكلام دعم الفريق وغير ذللك ..
هذا كلام سلبي ولا يفيد الفريق ..المفروض اقاله ابو زمع على المهازل التى تصيب الفريق
بكفي تلميع لابوزمع ..
اين الوحدات ؟ هل يعقل متصدر ومع كل هالتجوم والدعم والاستقرا ر ولا تستطيع ان تشكل هجمه منتظمه زي العالم .؟
في مشكله ويجب حلها ..
مع كل الاحترام لشخصك اخ هيثم ولكن اتمنى ان يوضع القطار على السكه الصحيحه
كلام خطير ابو احمد اللي بتحكيه!!!!!!!!!!!!
فلان اشترك خلف او امام بناء على رغبة الكثيرين واعاد فلان وبناء على رغبة الكثيرين ومالعبوش بشلن!!!!!
هل يريد ابو زمع بتنفيذ هذه الرغبات ان يتبث ان مايكتب على صفحات المواقع بسواش شلن؟ والا أجت صدفة هاي التوظيفات
فاذا كانت الأولى فهذه مصيبة واذا كانت الثانية فالمصيبة أعظم
بالنتيجة كلنا نختلف مع أو ضد كما قال الأخ نشأت ولكن الأهم كلنا الوحدات
لا أخي أبو محمد مش هيك يُقرأ الكلام !.
وتنساش إنّي حكيت ( أنا واحد منهم ) ،
يعني لما صار النقاش في الموضوع التحليلي عن مباراة الصريح وتم التطرق إلى جزئية أفضلية سريوة عن حاجي مالك خلف المهاجم وضرورة وجود صالح في مركزه الذي أبدع فيه من وجهة نظر ( الكثيرين ) الذين ذكرتهم ، جاءت هذه المباراة وبظروفها لتفرض هذا الواقع على الكابتن عبد الله أبو زمع لتوظيف هؤلاء اللاعبين في هذه المراكز لغياب أحمد الياس ..
يعني التوظيف صار زي ما بدّو ( الكثيرون ) نتيجة هذه الظروف ، وأي مدير فني في ظلها سيفعل ذلك ،، لكن شو عملوا اللي توظفوا ؟!.
تشدّش كثير أبو محمد ، لا خطير ولا ما يحزنون !!!!!!!!!!!!
ولا مصيبة ولا أعظم ..