التعصب الأعمى للمدرب ابن النادي هو سبب مصايبنا... فهو أكيد راح تربطه بالبعض من الإداريين واللاعبين والمعالجين والمصورين والإعلاميين والجمهور والجيران وبياعين الخضرة راح تربطه ببعض هؤلاء علاقات او مجاملات أو استلطاف أو احترام أو إعجاب أو صحبة
مشان هيك الفريق بحاجة إلى مدرب أجنبي يعني مش عربي ولا محلي ولا عمره شاف الأردن على الخارطة يعني نجيبه من بلد لا نعرف لغتها ولا تعرف شيء عنا..
مشان لما حد يقوله مرحبا ما يفهم...
ولما يمعط اللاعب بهدله يجيبله أخرته ... ميلاقيش حد يقوله ليش يا مدرب هذا محسوب على فلان .. هذا قدم وهذا أخر.. هذا عزيز عالجماهير . وهذا أبو فلان وعمو فلان وهذا والده شهيد وهذا أخوه الأول على المملكة في الفرع الزراعي
مشان ما يجامل فلان وفلان
ولا يتصور مع فلان وفلان
ولا يصاحب فلان ولا فلان
ولا يحط واطي لفلان ولا فلان
مدرب نمرود يكسر هالخشوم الكبيرة... ويختار اللعب الذي يخدم التشكيلة ويحقق الإضافة للفريق
زي لاعب لسه ملوش بالقصر من امبارح العصر وعند التغيير ... بيصير يفعفط مفكر حاله داييل الفيسي ويلا كنفارو بزمناته
الرجال صارله أكثر من سنتين وهو ما بعرف يثبت خطة أو تشكيلة وبالأخير بحكولك انه المدرب اعرف بالفريق والتشكيلة... عنجد وصف ابوزمع بالمدرب فيه ظلم كبير لعالم التدريب
انخفاض مستوى اللياقة عند اللاعبين وعدم توفيق ابو زمع في اختيار تشكيلة مثاليه هو المقتل لنا ،،بقي ثلاثة اشهر على نهاية الدوري ونتمنى ان يتفادى ابو زمع اخطاءه السابقة ،،،اضف على ذلك عدم رضا بعض اللاعبين عنه بسبب عدم اشراكهم وهم يشكلون 20 % من الفريق ادى الى كثرة القيل والقال بين اللاعبين ،،مبدأ العقاب والثواب يجب ان يكون بحجم الحدث وعليه ان لا يصغي للفتن،