قبل مده قصير كان علاء ابراهيم في لقاء على النيل المصريه مع الاعلامي الكبير والمشهور جدا في مصر ابراهيم حجازي
المهم كان بحكي عن مسيرته الرياضيه وذكر عن تجربته في الاردن مع الوحدات ومدح نادي الوحدات كثيرا
الى لفت انتباهي في اللقاء انو علاء بعد تجربته في الوحدات رجع يلعب مع بتروجيت وكان في هذا الموسم هداف الدوري بعديها بسنه انصاب وبعد الاصابه رجع لاكن كان الفريق جايب محترف افريقي مستوى مش طبيعي وكان علاء راجع من الاصابه يعني فرصته كانت ضعيفه للعب في بتروجيت احترف في فريق اسمه سموحه طالع من الدرجه الثانيه في مصر والان بلعب في المقولون العرب
طيب الى انا بدي احكي فيه انو علاء ابراهيم تقريبا من 3 سنوات بلعب مع فرق اقل من نادي الوحدات يعني لو ادارة النادي طلبت علاء كان اجى على الوحدات بدون تفكير وعلاء سبق ولعب مع الوحدات
واحنا من 4 سنوات بنحكي لاداره في النادي ورئيس النادي بدنا مهاجم زي علاء ابراهيم
وعلاء نفسه كان فاضي وبستنى فرصه انو يحترف في اي فريق
ليش الادراه ما تابعت علاء واستغلت فرصة انو بلعب مع فرق اضعف من الوحدات ؟؟؟؟
حسب علمي انه تم التفاوض مع نادي بيتروجت لضم علاء ابراهيم لكن النادي كان يطلب مبالغ اعلى من ميزانية النادي
كلامك على راسي علاء لعب في بتروجيت سنه ونصاب بعدين نباع لنادي سموحه القادم من الدرجه الثانيه في مصر يعني انباع في مبلغ صغير والدليل انو احترف في سموحه
وين الاداره كانت في هذا الوقت
فهد العتال سجل في العربي وسجل في شباب الاردن وكان بنزل في الشوط الثاني
سجل يا كبير الجول الثالث في شباب الاردن والنتيجه كانت فوز الوحدات
ومع العربي قذيفة العندليب دمرت الحارس وكملها في الجول الفاتح
بالله عليك علاء ابراهيم ولا كل المحترفين الى بعده انت وضميرك
علاء ابراهيم كان يرفض اللعب في الاردن وقال انه الاردن لا تطبق الاحتراف وقال حرفيا لو فكرت باللعب في الاردن لما اخترت غير الوحدات لكنه لم يفكر .
حتى لو حكى هيك هو كان في بتروجيت هداف الدوري في مصر وفريق بتروجيت في مصر من الانديه الى معاها مصاري كتير عشان النادي تابع لشركات البترول في مصر بس لما تعرض لاصابه بتروجيت استغنا عنه وكان بدور على اي فريق قوى يضيف اشي لاسم علاء ابراهيم يعني لو ادارة الوحدات عرضت عليه الاحتراف في الوحدات كان وافق وتغير الكلام
علاء ابراهيم لاعب كبير ... ولا أعلم ما هو سر التعاقد مع لاعبين أقل مستوى منه ... للأسف أغلب اللاعبين اللي بيجوا عالوحدات بدل ما مستواهم يتطور مستواهم بنزل ... إحنا بنشوف مستواهم و بنحكم عليهم من خلال لعبهم مع أندية ضعيفة جدا مثل الجزيرة و بنجيهم على أساس إنهم هدافين لكنهم بضيعوا فورا بين لاعبي الوحدات لأن لاعبي الوحدات أفضل بكثيييير