اخواني مرحباً كيفكم
معلش صار معي شي امبارح رائع وحبيت احكيلكم إياه ... امبارح انزلت على وسط البلد عند سقف السيل عشان ابن اخوي فرووووس بدو علم ريال مدريد وبلوزة باسم رونالدو بدخلت على محل في سقف السيل كله اواعي رياضة لبرشلونة ولريال مدريد وكل شي بتتمناه عينك بتشوفه في هالمحل من ملابس رياضية كفوف علام لفحات طواقي إشارات غريبة وكل شي بخص هالفريقين ..
طبعاً بعد ما اشتريت إلي بدي إياه سألت صاحب المحل انت وحداتي وإلا فيصلاوي بصراحة حكالي جملة جميلة جداً
إيش هيا الحياة إذا ما فيها وحدات ... أصلاً الحياة حلوة بوجود الوحدات...
يعني انا اطلعت بالهلزلمة ومش عارفة شو كنت بدي أحكي بس يالله شي بجنن إنك وين ما تروح بتلاقي في ناس بحبوا الوحدات لهدرجة وأكثر ..
بس السؤال إلي خطر ببالي لما اطلعت من المحل ليش انا ما عندي أشياء الوحدات مثل العلم أو الشعار أو طاقية أو أي شي من هذه الأشياء إلي انا بسميها طحافيش الوحدات ونسيت أسأله عن هذه الأشياء وأصلاً لو كانت موجودة كان لفتت انتباهي .
السؤال لكم يا اخواني هل يوجد محل يبيع هذه الأشياء ووين لإني بصراحة ما شفت ولا شي لأي فريق أردني بالبلد
وإلي بعرف بعد إذنكم يحكيلي وينت بتنبـــــــــــــــــــــــــــــــاع
يمكن بس عنجد ما بعرف هو من وين بس إلي بعرفه انا ثاني مرة ادخل على هذا المحل .. وخوفاً من الدعاية لهذا المحل لاحكي إنو اسمه سبورات هشام بس بخاف ينفهم الموضوع بشكل تاني