مطلوب مساعدة من طبّاخين وطبّاخات المنتدى

[رأفت حطيني]

مطلوب مساعدة من طبّاخين وطبّاخات المنتدى - مطلوب مساعدة من طبّاخين وطبّاخات المنتدى - مطلوب مساعدة من طبّاخين وطبّاخات المنتدى - مطلوب مساعدة من طبّاخين وطبّاخات المنتدى - مطلوب مساعدة من طبّاخين وطبّاخات المنتدى

مسا الخير


بصراحة زهقت من النواشف والأكل الجاهز وقررت اني بدي أقلي جاج هع

فإنه ما بعرف ولا اشي, يعني امسك الجاجة واحطها عزيت ولا مي سخنة؟؟؟

الحقوني الله لا يذوقكم مرارة الغربة

[صهيب أبو صافيه]

- - - -

شاعر معك يا غالي ههه

اللي بعرفو اذا كان الجاج جاهز للقلي حط زيت ع نار هادية ابو 3-4 دقايق بعدين حط الجاج شوي شوي وظلك قلّب فيه لحد ما يستوي

يا خي مفيش بأوكرانيا مطاعم عربية ؟

[عمرو الاخضر]

- - - -

اعمل ملوخية بسمك سهله وزاكية وبالاخص لما تحط مع الشوربه بيذنجان
بطلع الوضع زينون

[رأفت حطيني]

- - - -

اقتباس: المشاركة الأصلية كتبت بواسطة عمرو الاخضر     اعمل ملوخية بسمك سهله وزاكية وبالاخص لما تحط مع الشوربه بيذنجان بطلع الوضع زينون

شو هاظ, بتنفع تطلع شيف على قناة الأردنية

[رأفت حطيني]

- - - -

اقتباس: المشاركة الأصلية كتبت بواسطة أبو إلياس     شاعر معك يا غالي ههه اللي بعرفو اذا كان الجاج جاهز للقلي حط زيت ع نار هادية ابو 3-4 دقايق بعدين حط الجاج شوي شوي وظلك قلّب فيه لحد ما يستوي يا خي مفيش بأوكرانيا مطاعم عربية ؟

يسلمو يا حب

والله في بس زهقنا المطاعم

[رمزي الياموني]

- - - -

كثيرآ ما اعاني من هذه الامور وتحديدآ عند السفر
حط زيت وماجي وبصل وحركهم لحد ما تشوف البصل اصبح يستوي على فرض 5 دقائق وبعديها حط قطع الجاج وقلبهم كل شوي ورد علي انا بتخسر ش
لخ ولخ ولخ تا الجاجة تهتري وبعدها اسفك لحتى دوخ
معك الشيق رمزي والله يعينك

[رنين]

- - - -

اقتباس: المشاركة الأصلية كتبت بواسطة رمزي الياموني     كثيرآ ما اعاني من هذه الامور وتحديدآ عند السفر حط زيت وماجي وبصل وحركهم لحد ما تشوف البصل اصبح يستوي على فرض 5 دقائق وبعديها حط قطع الجاج وقلبهم

كلامه 100%

هلاء بعد ما تئلب الجاج حط ئطعه الجاج بطحين
بعدها بالبيض وبعدها بئرشله
عندكم ئرشله ؟؟!!

أز آه كمل آز لا جيب كعك من غير سمسم
وطحنه

المهم بعد ما تحط الطحين والبيض والئرشله " بالترتيب"

حطه بس ربع ساعه بالتلاجه وبعدها طولها وئليها وحط جنبها بطاطا

وصحه و عافيه

[**بلال**]

- - - -

وسعو وسعو غاد
هههههه إذا رديت عليهم مارح تتعشى الليلة ههههه

[رأفت حطيني]

- - - -

اقتباس: المشاركة الأصلية كتبت بواسطة رنين     كلامه 100% هلاء بعد ما تئلب الجاج حط ئطعه الجاج بطحين بعدها بالبيض وبعدها بئرشله عندكم ئرشله ؟؟!! أز آه كمل آز لا جيب كعك من غير سمسم وطحنه المهم بعد ما تحط الطحين والبيض والئرشله " بالترتيب" حطه بس ربع ساعه بالتلاجه وبعدها طولها وئليها وحط جنبها بطاطا وصحه و عافيه

شكرا الك بس والله الطحين هون بأوكرانيا مكتوب عليه طحين بطاطا. شكلهم بطولوه من البطاطا
والقرشلة لأ ما في

بس سؤال شيف رنين, شو دخل البيض بالجاج؟؟



ترة انا ما بفهم اشي بالطبخ, بعرف اقلي بطاطا بس

[رأفت حطيني]

- - - -

اقتباس: المشاركة الأصلية كتبت بواسطة الوحش الأخضر     وسعو وسعو غاد هههههه إذا رديت عليهم مارح تتعشى الليلة ههههه

تفظل, كود يو بليز جف أص ذا رايت واي تو ميك أ فرايد تشيكين

يلا يا جماعة أمريكا وريني عضلاتك

[رأفت حطيني]

- - - -

اقتباس: المشاركة الأصلية كتبت بواسطة رمزي الياموني     كثيرآ ما اعاني من هذه الامور وتحديدآ عند السفر حط زيت وماجي وبصل وحركهم لحد ما تشوف البصل اصبح يستوي على فرض 5 دقائق وبعديها حط قطع الجاج وقلبهم كل شوي ورد علي انا بتخسر ش لخ ولخ ولخ تا الجاجة تهتري وبعدها اسفك لحتى دوخ معك الشيق رمزي والله يعينك

شكرا يا حج بس سؤال

شو هالواسطة اللي عندك عشان يعطوك 7 نجم!!

وبرضه شو دخل البصل والماجي بالجاج المقلي

ههههه

[رأفت حطيني]

- - - -

يا اخوان

زقازيق بطني تعصفر بدي أوكل

يقطع شركم ولا حدا عارف يقلي سفينة جاج!!! كيف عايشين

[رنين]

- - - -

اقتباس: المشاركة الأصلية كتبت بواسطة رأفت حطيني     شكرا الك بس والله الطحين هون بأوكرانيا مكتوب عليه طحين بطاطا. شكلهم بطولوه من البطاطا والقرشلة لأ ما في بس سؤال شيف رنين, شو دخل البيض بالجاج؟؟ ترة انا ما بفهم اشي بالطبخ, بعرف اقلي بطاطا بس

احكيلك هاد يا صديقي البيض لحتى يمسك بئطعه الجاج

ويخليها تئرمش اعرفت

بس بحالتك هاي شكلك رح تآكلها مئلبه بس

[**بلال**]

- - - -

هاي الطريقة بدون بيض ولا كرشلة....
نبلش ستيب باي ستيب
أول شي بتجيب قطع الجاجة. إذا كانت كاملة قطعها أربع قطع...
بطحتهن في جاط "صحن واسع".
بتعصر عليهن ليمون، ورش فلفل أسود وبهار من أي نوع....إفركهن مع بعض.. وخليهن شوي في البهارات.
إذا في طحين: مرمغهن في صحن الطحين...
بتكون مجهز المقلى، وفيه زيت قلي مجور لحد "أنه قطعت الجاج بتغرق فيه"...
قبل ما توضع الجاج، الزيت لازم يكون حامي بس مش على الآخر...
بعدين بتحط الجاج وضلك فوق المقلى، بعد نتفتين شوف شو صار فيهن، إنخز قطعت في السكين وشوف كيف صارت "يعني طرية مش طرية وهيك"
وإذا شكيت انهم إستوى طلع قطعة وجربها....وصحتين وعافية
مع تحيات شيف مغترب

[رنين]

- - - -

اقتباس: المشاركة الأصلية كتبت بواسطة رأفت حطيني     شكرا يا حج بس سؤال شو هالواسطة اللي عندك عشان يعطوك 7 نجم!! وبرضه شو دخل البصل والماجي بالجاج المقلي ههههه

بيعطيها طعم صديقي

هلاء انت اعمل هيك وشوف