كنت مدير مشروع مبنى القبول والتسجيل في الجامعة الاردنية ....يوم من الايام من الصبح مقاول أعمال الحجر طلب مني نقلة حجر لانه الكميات غير كافية لشغل اليوم ....فتحت التلفون وضربت على مورد الحجر وكان اسمه أيمن ودار الحوار التالي معه :
أنا : صباح الخير كيفك أيمن
أيمن : صباح الخير ..( وكان يبدو عليه من صوته النعاس الشديد)
أنا : ايش مال صوتك هيك...لسة نايم
أيمن : ايش ....اه والله كنت نايم
أنا : طيب ...الله يخليك ...بدي نقلة حجر مستعجلة
أيمن : شوووووووووووو ......شووو بدك
أنا : والله مزبوط مبين عليك نعسان ...بحكيلك بدي نقلة حجر مستعجلة ....بعد شوي المقاول بوقف ما عنده ولا حجر
أيمن : يا زلمة شو بتحكي ....وانا مالي يوقف والا ما يوقف ....الله لا يجعله يشتغل
أنا : يا زلمة ليش بتحكي هيك .... بحكيلك رح يوقف عن الشغل ما في حجر ...بعدين معك
أيمن : يا رجل شو قصتك ....عنجد بتحكي
وعند هذه النقطة أدركت انني عملت خطأ لا يغتفر .... وميزت صوت أيمنوني ...وأدركت اني ضربت رقم أيمنوني بالغلط وكل فكري انه مورد الحجر أيمن
لحد هون القصة عادية وبتحصل...... لكن المشكلة انه ليلة الأمس كان حفلة زفاف أيمنوني....واليوم الصباحية
أيمنوني .... وحجر معان !!!!
