خراريف ختيار تحت عريشة الدوالي يا رأفت علي ؟ - خراريف ختيار تحت عريشة الدوالي يا رأفت علي ؟ - خراريف ختيار تحت عريشة الدوالي يا رأفت علي ؟ - خراريف ختيار تحت عريشة الدوالي يا رأفت علي ؟ - خراريف ختيار تحت عريشة الدوالي يا رأفت علي ؟
انا فلاح ابن فلاح صحيح اني صحفي ومذيع تلفزيوني بس اصلي وبتشرف فيه ورح اكتب واحكي معاكم بلهجتي الفلاحية
واحنا الفلاحين بنلفظ الآك ch يعني بدل اكل بنقول أchل وانا هسه والحمدلله قاعد تحت معرش الدوالي باب دارنا بفلسطين
بنابلس وقبالي جبل عيبال والخضار وبعض غنمات مع راعي براس الجبل وجنبي ابريق الشاي عاقد اسود ومثل التطلي
حلاوته . صحيح اني اليوم زودتها بالموقع نازل مواضيع والله يستر من المشرفين ما يكولولي بعدين معك يا ختيار بس والله
العظيم احواجت الحchاية . وحchايتي رح ابداها بمدربنا درغان ابو شكل مرتب وشعرات بجننوا وبكووول لجل الوحداتية انه
النادي ما قصر معه ودفعله اللي ما حدا كبلنا دفعه مع انه الحال على الله بس والله الفرقية احنا اولى فيها عنا هم ما بلتم
ملعب لازم يجهز وغيره وغيراته chثير الله يحنن عليه ويسرلنا مدرب ما يchون بطنه اجرب ؟ اما شلباية واله انه احنا بنحبك
يا قاروط والخمسطاشر الف مش chثار على اللي معه بس انت عارف الحال الا اذا ابو وجه اصفر درغان طمعك بمية الف
مع الكويتيه ساعتها هاذ ه قدرتنا وما بنقدر نحط رووسنا بروس اللي عندهم بترول بس دير بالك واحسبها صح والطمع
ضر صاحبه يعني خلي احترافك من خلال النادي عشان تاكدلنا انتمائك لانه غير هيch يا قارووط رح تشطب تاريخ chبير
من قلوب الوحداتيه شايلنه الك لانه انت بتحط بصندوق النادي مش بجيب الادارة تانكول لع فدير بالك والله يستر ما
يضيعك الطمع وحجة احنا بزمن احتراف لانه قلوب الوحداتية ما بتأأأمن في هالحchي كله واتعلم من حchاية عبدالله
ذيب لما هج على راسه لليوم قلوب البعض من الوحداتيه محمضه عليه ؟ اما عيسى السباح بحchيله الفرقية مش
chبيره chثير وممchن ينحchى فيها بس عندي الك يا عيسى سؤال لو ما قدملك شباب الاردن عرض بخمسطاش او
بسبعطاشر الف chان طالبت بزيادة والا وقعت عالعقد وانته مغمض عيونك جاوبني يا شاطر ؟ اما البهداري طبختك
معروفه معلش انتوا يا اهلنا في غزة حلمكم تلعبوا باندية مصر والعلم عند الله ان ما خاب ظني وجهتك الجايه مصر
وان ما زبطت مع الزمالك في غيره وان مازبطت درغان بستنى فيك بالكويت والالاف الدولارات بس حاب احchيلك
انه الوحدات عمره ما chان عالفضلة واحنا تعودنا نشرب من راس النبع مش من القناه والقرار الك وانت حر ؟
اما انت يا رأفت علي عيد احساباتك مليح شو يعني كديش رح يكون عكدك الجديد مية الف ميتين الف انا معاك
هنه حلوات بس يا قرابتي للاسف رايحات يchونن مكافئة نهاية الخدمة وثمن عشق الجماهير الك طوال عشرين
سنة لانه ان طلع الوحدات من بطولة الاتحاد الاسيوي بدون ما يوخذ كاسها رح تنقلب الصورة تسعين درجة بالنسبة
الك بقلوب الوحداتية لانك بتchون ساعدت على تحطيم حلم اجيال من الوحداتية حلمهم ببطولة خارجية ولانك
انسحبت بوقت وصلت فيه اللقمة للثم . وصدقني الفرقية مش مستاهله ولا بحجم التضحية لانه مباراة اعتزالك
لو حددوا فيها سعر التذكرة عشر نيرات واكيد ريع المباراة رح يchون جله الك صدقني لتلم 200 الف دينار غير
الهدايا واللي من تحت الطاولة ؟ انا خلصت الحchي اللي عندي ورح اصب كباية شاي واولع سيجارة واستنى
شو رح يصير بالايام الجاية ؟ وchثر الله خيركم اللي سمعتوني ويخلف عليchم يا مشرفين والموضوع الجاي
رح اكتبه من تحت شجرة الخوخ الاحمر حاchم خوختنا زي العسل طعمها بس مش اليوم الايام الجاية ؟
الله يرضى عليك
ابعث السلام للشعب والتراب ويا هلا بريحة الاحباب
بتعرف بلى رياضه بلى هم
احكيلنا عن الوعر والصبرات وفقوعه يا صبر
لا تنسى تروح على السوق القديم وتزور البرانس وتكشكش تحت الزتونات
الطابون حامي
اه والف اه واه بس
الله يرضى عليك
ابعث السلام للشعب والتراب ويا هلا بريحة الاحباب
بتعرف بلى رياضه بلى هم
احكيلنا عن الوعر والصبرات وفقوعه يا صبر
لا تنسى تروح على السوق القديم وتزور البرانس وتكشكش تحت الزتونات
الطابون حامي
اه والف اه واه بس
في البداية الله يعيدكم النا بالسلامة وترجعوا عالبلاد اللهم امين وبعدين شو بدي احكيلك لحكيلك عن الوعر والنتش
ومداحي الشنانير والغزلان بالسهل الله وكيلك تعال على صلاة الصبح وشوف الغزلان وهنه بيشربن مي من النبعه
او القنايه وشوف العصر الشنانير وهنه بيقطعن شارع القرية ومعهن صيصانهن وتعال شوف جارتنا ام زياد اخر النهار
وهي بتزبل بالطابون والساعة 6 الصبح وهي بتخبز عالطابون وابنها زياد حامل ابريق الشاي وقرص جبنة الغنم
وقاعد باب الطابون بستنى برغيف الخبر عشان يفطر وينزل عشغله بورشة البناء وجارنا محمد لقبه الورد وهو بنادي
على مرت اخوه ياالله يا حرمه هاتي هالشاي ورغيف هالطابون خلني افطر قبل ما تحمى الشمس بدي الحق
اخلص كشكشة وحراث زيتونات ابو هيثم ويفطر ويو خذ زوادته ويحطها بالخرج ويركب حمارته وينزل من بين حواكير
العصافير بترد الروح وبتصفي الذهن ؟ فلسطين جنة الله عالارض الله يردكم عليها يا رب
الله واكبر الله واكبر الله واكبر
لو عذرتني لقلب موضوعك من الرياضة الى الحنين
زرت جامع النور كانت اختي قاعدة هناك بحكم شغل زوجها
عملت في فلسطين المحتلة
خضيرة ويافا وعكة وحيفا والناصرة وطبريا ومسحة وصندلة وتل ابيب والعفولي واللد والرملة واكسال ويمة وقريات شمونة
خذه مني بالعبراني
اني كفار يامون اتا افانتا
اني ياعسي لاخا كول ماشا تردسي
معلومة اخي الحبيب
اعلم واشعر بما تكلمت وانت الان رجعتني لسنوات مضت
اتمنى ان يشاء الله والقاك
ارسل سلامي الى جنين واليامون تحديدا
لن انسى ما حييت رحلتي في وادي بيذان