انا ابلغ من العمر 16 عاما وفي الصف العاشر الاساسي فصدف اليوم انه تم تسليمنا ورقة التصنيف ومن ذاك الحضه وانا في فترة توتر مع العلم ان ميولي الى الاداره فهل تقدمو لي النصيحه فيها
فاذا كان جوابك نعم لماذا
واذا لا لماذا
يا صاحبي نصيحة اخ لاخوه ان تدرس الموضوع من جميع جوانبه وانت الأقدر على تقدير الامور في النهاية ويجب ان لا تميل الا للرأي الذي تشعر بانه الأنسب لك .. عن تجربة انا كانت ميولي للمواد الادبيه ودخلت علمي وبالطول والعرض والهز والدح جبت 77 و بالاخر درست نظم معلومات ادارية وأبدعت فيه وجبت تقدير جيد جدا والان بحضر لدراسة الماجستير .. واتمنى لو دخلت ادبي لانه لو دخلت ادبي كان جبت معدل عالي .. فاذا انت ميولك علمية و تستطيع تحقيق معدل 80 واطلع فادخل علمي اما غير هيك فـ 80 ادبي افضل مليون مرة من 70 علمي ..
او بطريقة اخرى انت بتحس نفسك بتميل للحفظ او للفهم اكثر .. الفهم ادخل علمي والحفظ ادبي .. وفي النهاية الاثنين بدهم دراسة وجهد .. والله يوفقك ..
انا كنت مثلك .. واخترت علمي وهلأ قربت خلص اول ثانوي ..
اعتمدت على حالي في اختيار فرعي ..
حسبتها من كل الجهات
الادبي والادارة اغلبهم بيعتمدو على البصم يعني على الحفظ واذا بتقدر تحفظ وتستوعب فهاد بكون المطلوب للفروع هاي
العلمي : ذكاء ,استيعاب , وكمان في حفظ مثل المواد الادبية المشتركه في كل الفروع مثل دين . انجليزي وهيك
خذها مني نصيحة لا ترد على حد في تحديد مصيرك لحتى ما تلوم حد غير نفسك
اخي صلي استخارة واتوكل على الله وشوف على شو قلبك بيرتاح واتوكل على الله
تقبل تحياتي ....
كلامك مزبوط
أنا مدرس عاشر
بعض الطلبة الأوائل عندي بيسجلو صناعي للوصول للهندسة بسهولة
هاد اكبر خطء
رح يوصل الهندسة بكل سهوله بس رح يلاقي فرق كبير بالمستوى بينه وبين طلاب العلمي ورح يتغلب كتير
بمواد الرياضيات والفيزياء وكمياء وغيرها من المواد العلمية
اذا ناوي هندسة نصيحه من اخوك الكبير علمي ولا تفكر بالصناعي لانك رح تتغلب كتير بالجامعه بعدين مواد
العلمي لها علاقة كبيره بالمواد العلمية بالجامعه وبتريحك كتير بالمستقبل
الله يوفقك
شوف يا معلم ؛
إذا بدك تروح لفرع الإدارة لسبب أن ميولك للإدارة فأنا لا أنصحك و ذلك لسببين:
الأول - إحتمالية أن تتغير ميولك خلال السنتين القادمتين كبيرة جداً
الثاني - لا أعتقد أن التعليم في الأردن وصل لدرجة من التطور بحيث يمكّنك من معرفة و تحديد ميولك (مع أنه التعليم في الأردن ليس بالسيء)
كما قالت الشباب - أنا بنصحك بالعلمي و بخلال السنتين القادمتين بتحدد اللي بدك إياه - و بعدين العلمي سهل جداً جداً مش مثل ما بقولوا لك الشباب .
الأهم في الموضوع - عندما تكون في مرحلة معينة ، عليك أن تفكر كيف ستجتازها و لا تفكر كيف ستجتاز المرحلة التي تليها قبل وصولها - يعني عليك الآن أن تفكر كيف ستجتاز العاشر و الأول الثانوي و كيف يمكن أن تحصل على معدل عالي في التوجيهي ، أما أن تفكر ماذا ستدرس في الجامعة من الآن فهذا خطأ فوقتها يخلق الله ما لا تعلمون