يا صقور تكلكوش هاي كانت مش النا.. هاي كانت للاتحاد والفيصلي !
يا صقور تكلكوش هاي كانت مش النا.. هاي كانت للاتحاد والفيصلي ! - يا صقور تكلكوش هاي كانت مش النا.. هاي كانت للاتحاد والفيصلي ! - يا صقور تكلكوش هاي كانت مش النا.. هاي كانت للاتحاد والفيصلي ! - يا صقور تكلكوش هاي كانت مش النا.. هاي كانت للاتحاد والفيصلي ! - يا صقور تكلكوش هاي كانت مش النا.. هاي كانت للاتحاد والفيصلي !
لم تشهد عيني من قبل أجبن من ادارتنا في هذه الأيام .. من رئيس النادي إلى آخر عضو فيه ..
فمن تخبط إلى آخر.. ومن أخطاء إدارية مقصودة أو غير مقصودة إلى اخرى...
وبغض النظر عن ما آل اليه التحكيم في مباراتنا مع الفيصلي ولكن لا أزال لا أصدق أن الاتحاد الذي أعطى فترة خمس ايام واكثر لطلب اي نادي حكام من الخارج وانتم في إدارة القلق تركتوا الطلب لآخر لحظة من المدة الزمنية القانونية .. لا ما شاء الله عنكم .. لعبتوها بالقدة والميزان.. زي الميركاتو بدول اوروبا بالثانية بتشتغلوا....
لا بس العذر منكم انتم بالميركاتو غير وكمان ضيعتوا صفقة ثلجي بالذهاب بسبب جهلكم او ضعفكم بالأمور الإدارية..
والآن اهم مباراة ومباراة الحسم مع الرمثا والاتحاد يعاقب الوحدات باقسى عقوبة حصلت بتاريخه وهي حرمانه من جماهيره في مبارة أكون أو لا أكون ..
المشكلة ان القرار صدر من يومين أو اكثر وانتم لا تزالون تنامون بالعسل.. ولا تصريح ولا هجوم على الاتحاد ولجنته التأديبية الغير مهنية ... بل وعلى غير العادة أخذته من دون لا تطبيق لوائح ولا تدرج بعقوبة ولا شيء ..
وانتم يا ادارة القلق أطلقتم العنان لاذنيكم لتستمعوا بوسائل التواصل الاجتماعي ونحن نرمي أسهم الاتهام كل نحو والآخر .. وهذا كان السبب وذلك كان السبب..
وانا برأيي انتم السبب بكل ما يحدث..
وين الصقور عن كل ما يحدث .. وين زياد شلباية .. وين عوض الأسمر .
وين رجالات النادي وانا اعتذر من كلمة رجالات ..
بس بدكم الصح الي كان كالكهم ومشيبهم طارق خوري الله يذكره بالخير . كنا نشوف رئيس نادي بشتغل على كل الجبهات وهون تصريح مدوي وهناك اعتراض ناري وهون وهناك..
وانتم يا ادارتنا المبجلة اكثر اشي عملتوه ... «احنا استلمنا صندوق نادي خاوي» احنا استلمنا النادي هيك او هيك .. وما كان عندكم جرأة الا اذا كان الموضوع بتنكيل ما سبقكم..
بس انا بدي اقلكم الواقع الي يبدو بتجهلوه .. انتم استلمتم من ابو سامي الي اكتسح قاموس البطولات وغير كل معالمه وألوانه من الأزرق إلى اللون الأخضر وعلى مدى اكثر من عشر سنوات..
وانتم كنت خير هدية للاتحاد وللفيصلي الي من اول يوم عبر عن ارتياحه لاستلامكم الادارة من بعد عهد القلق الي كانوا يعيشوه مع ابو سامي...
والآن انا فهمت تكلكوش هاي لمين.. تكلكوش للاتحاد وللفيصلي..
اما احنا ما كلكناش ايامك ابوسامي والآن كلكنا ومرضنا كمان...
اخي الكريم ادارتنا ضعيفه للاسف بكل المقاييس ومش معقول الي بصير وكل يوم خبر شكل والاداره غير قلقانه على الفريق ولا بجماهير الفريق وكل واحد بغني على ليلاه .
فعلاً ايام طارق خوري كان محسوب لنا حساب وافضل من الايام هذه للاسف
اقول ان المختار شخصيه محترمه ولكن لا ينفع هذا الامر واصول اللعبه ان يكون للانسان وجهان كي يلعبها صح .
يرحم ايامك ايامك يا بهجت شهاب على ايامك اللجنة التأديبية كل ما بدها تطلع قرار ضد الوحدات كانت تعد للألف
للأسف من بعد هذيك الايام كلها ال 11 اللي بيجو على الادارة عبارة عن اصنام متحركة لا بتحل ولا تربط..
يا سيدي كلامك صحيح لكن المشكلة مش في الادارة المشكلة في الجمهور .... انا بشجع الوحدات من سنة 80 كان عمري 11 سنة وكنت مع رحمة والدي ما تروح علينا مباراة في استاد عمان والملعب البلدي في اربد او ملعب الزرقاء .... اخر مباراة حضرتها في الملعب كانت في استاد القويسمة سنة 2001 شفنا ذل وبهدلة ومن يومها حلفت لو ابني بلعب ما بدخل استاد ... وما راحت علي مباراة مبثوثة ...
كل ما تقدم كتبتة لاقول ... قبل عامين قاطع جمهور الوحدات المباريات وحتى ان التلفزيون حاول ان يعاقب الجمهور بعدم بث مباراة ( لا اذكر كامل التفاصيل ) لكن أعتقد نجحت المقاطعة ... وهذا ما يجب فعلة الآن حتى تعرف الادارة قبل الاتحاد أن حيط الجمهور مش واطي ... والجمهور هو الاساس وهو الحقيقة الثابتة والادارة واللاعبيين متغيريين
لكن حسب ما اتابع جمهورنا اصبح اليوم مجموعات وكل مجموعة تابعه لشخص ... ومع هذا يجب ان يقف الجمهور وقفة رجل شجاع....
سلملي على احداث القويسمة وسلملي على كأس الاردن اللي خسرناه بسبب لعبنا بدون لاعبي الاولمبي ايام ابو زمع وسلملي على ال 350 ألف اللي اخذهم حمد ومساعديه مسان مركز ثالث وصفر القاب وسلملي على النيابة اللي حصدها مرتين من ورا جمهور الوحدات وسلملي على ليكن صوتك مدويا ،، أخوي الخل اخو الخردل وكل اداراة الوحدات المتعاقبه اجبن من بعض بلاش اسلوب يرحم ايامك يا طارق خوري كونه فيه جماهير ذاكرتها قوية وبتنساش ،، كل ادارات الوحدات لم تخرج رجال بمعنى الكلمة اللي بهجت شهاب نسبيا فقط !! سلملي عالمراجل تنساش