بسم الله الرحمن الرحيم...
انا وحداتي ويا نيالي..كانت زمان الها معنى ومعنى كبير كمان اليوم صارت هم عقلوبنا..والله ما انه بنستاهل اللي بصير فينا ورح يزيد الطين بله بخسارتنا قدام الجزيرة وزيادة البهدله اللي بدها تصيبنا لما البقعه يعطينا الدوري واشك في هذا الحكي لانه البقعه ما بقلي بيضه مع الفيصلي...
الفيصلي افضل منا والله افضل منا من ناحية الادارة واللاعبين واكيد اكيد من ناحيه الجهاز الفني..العوضات اللي بنتمسخر عليه رح يجيب الدوري لفريقه واراهن انه نهائي الاتحاد الاسيوي الفيصلي طرف فيه..في مباراه الفيصلي اليوم العوضات رفع معنويات فريقه لحد انهم سجلوا اربعة جوال وغير هيك برجع لعيبه زمان ما لعبت وبنجزوا في الملعب...برافو عوضااااات..عساف وهشام ومحمد جمال والله ما الكم غير دور سلبي وسلبي جدا مع اللعيبه انتو حكي فاضي ولو عندكم كرامه والله غير تستقيلوو قبل مباراة الجزيرة...اليوم ما نزل احمد هشام وصالح على اساس حركه ذكيه بدو يريحهم لمباراه الجزيرة مثلا ههههههههه يا جهاز فني انتوا حرام تدخلو ملعب تتفرجوا مش ادربوا.الادارة جد جد تعبانه ومفلسه وجاهله وخالصه وكبيرهم يتفرجوا عالمبارة من خلال تلفزيون 14 بوصه والمعلق محمد المعيدي..الفيصلي كل مدرب بفشل بغيروه وعادي ماشيه امورهم احنا بش بنتشاطر على اكرم سلمان وخانكان..الرائع والمثقف رأفت العلامي جابلهم فتح الجبال انشالله يكون اسمه صح بس ابو شلبايه ما كان عاجبه اللي هوه اساسا مش عاجب الا حاله وابنه...
سايق عليكم الله تتغيروا والله كرهتونا بالاعبين وبالوحدات كله..
قسما بالله لو عدنان عوض مسك الوحدات كان نتائجنا احسن من هيك.
من بعد المباراة وعلى كل وسائل التواصل الاجتماعي و حكي كل الناس ما بنسمع غير وحدات هوه هوه فاضحنا برة وجوة..
ارجوكم لا تشطبوا ولا اشي من موضوعي وخلي هالناس تفش غلها وتحكي ولا تكونوا انتو كمان علينا مش معانا...
الله لا يسامح هيك ادارة فاشلة من الالف الى الياء حتى الاعبين صار ما الهم نفس يلعبوا...احنا بنضل انبرر لنفسنا انهم مضغوطين من ناحية دوري وبطوله قاريه وهذا الحكي والله ما في منه ..من 8 مباريات ما فزنا كل اللي كان بدنا ياه جوول بس جول والله بس جول ونوخد دوري وما طلع بايدنا والله مسخرة وبدنا نوخد بطوله قاريه ولا يمكن...يحرم علي اوصل ملعب طول ما الموجودين همه همه...الدينارين انا اولى فيهم..
سامحونا بس والله اتمسخرنا.
حتى برشلونه مسخرنا كمان.2016 مش النا 😂😂
استقيلوا استقيلوا استقيلوا ارجوكم