نريد مثل هذه الروح من الجميع ...!!

[أبو صلاح القصراوي]

نريد مثل هذه الروح من الجميع ...!! - نريد مثل هذه الروح من الجميع ...!! - نريد مثل هذه الروح من الجميع ...!! - نريد مثل هذه الروح من الجميع ...!! - نريد مثل هذه الروح من الجميع ...!!

https://youtu.be/1UTDBSBWJ6k



نريد مثل هذه الروح من اللاعبين ومن الإداريين ومن الجماهير ...

يا لاعبين الوحدات .. أنتم فرح الجماهير .. أنتم ماذا ...!؟
أنتم فرح الجماهير ...
يا إداريين الوحدات .. تحملوا مسؤولياتكم وأتركوا الآن أي شيء آخر لما بعد يوم الفرح ...
الجهاز الفني .. إعملوا بإخلاص ولكم كل الدعم ...

جماهير المارد الأخضر .. كونوا على الموعد ...
بدنا نفرح باللقب 15 ...

[Jabal Hafeet]

- - - -

يا اخي دمعت من وارا هالمقطع اول مرة اشوفه

[أبو صلاح القصراوي]

- - - -

اقتباس: المشاركة الأصلية كتبت بواسطة Jabal Hafeet     يا اخي دمعت من وارا هالمقطع اول مرة اشوفه

هذا هو الوحدات يا صديقي ...
وحدات الإنتماء والوفاء .. وحدات الرجال المخلصين ...
الوحدات الذي نفاخر به الدنيا ...
هكذا نريد الوحدات ...

[باسل جفال]

- - - -

وحدات رافت علي غير مش زي وحدات ........... اليوم وحدات واسطه

[Ahmad1987]

- - - -

هاد فريق ايام رافت وحسن وعامر وشلبايه كان فريق مرعب

أرسلت من GT-I9301I بإستخدام تاباتلك

[سيف الاخضر]

- - - -

بترجع الان الانتماء موجود والحمد لله ولكن كيفية اخراج هذا الانتماء بالملعب

[firas wehdate barca10]

- - - -

الله عليك أبو صلاح ما اروعك رجعتنا أيام الزمن الجميل للوحدات
وبمشيئة الله ستعود يوم الاحد القادم هذه الحرقة والبكاء من الفرح والشعور بالمسؤولية

[أبو صلاح القصراوي]

- - - -

اقتباس: المشاركة الأصلية كتبت بواسطة باسل جفال     وحدات رافت علي غير مش زي وحدات ........... اليوم وحدات واسطه

الوحدات هو الوحدات برأفت ومن غير رأفت ...
الوحدات أجيال بتروح وأجيال بتيجي ...
الوحدات بجماهير الوحدات التي بتعشق الوحدات الكيان ...

الوحدات رجاااااااال بتحمل راية عزّ وكرامة ...

[أبو صلاح القصراوي]

- - - -

اقتباس: المشاركة الأصلية كتبت بواسطة Ahmad1987     هاد فريق ايام رافت وحسن وعامر وشلبايه كان فريق مرعب أرسلت من GT-I9301I بإستخدام تاباتلك

كان قبلهم كمان خالد سليم وعمر سلامة وغسان جمعة والقناديل ومصطفى أيوب والبسيوني مظفر جرار وإبراهيم سعدية ويوسف العموري وجهاد عبد المنعم وسفيان عبد الله .. وغيرهم .. وغيرهم ...
الأسماء تذهب والوحدات يبقى إلى ما شاء الله ...

[أبو صلاح القصراوي]

- - - -

اقتباس: المشاركة الأصلية كتبت بواسطة سيف الاخضر     بترجع الان الانتماء موجود والحمد لله ولكن كيفية اخراج هذا الانتماء بالملعب

بتكاتف الجميع وطي كل ما فااااات ...

[ماهر حسين]

- - - -

قشعر بدني يا كبار
يومها ظلينا نرقص ونغني بشارع النادي والكنافة ما خلصت ليلتها
يا رب ترجع ايام الفرح

[أبو صلاح القصراوي]

- - - -

اقتباس: المشاركة الأصلية كتبت بواسطة firas wehdate barca10     الله عليك أبو صلاح ما اروعك رجعتنا أيام الزمن الجميل للوحدات وبمشيئة الله ستعود يوم الاحد القادم هذه الحرقة والبكاء من الفرح والشعور بالمسؤولية

هاي القلعة الخضراء يا جماعة الخير .. هاظ المارد الأخضر .. هاظ الرعب الأخضر ...
سرّ الوحدات بإنتمائنا ووفائنا لهاي المسيرة .. سرّ الوحدات بجماهيره اللي بتهزّ وبترعب ...

[أبو صلاح القصراوي]

- - - -

اقتباس: المشاركة الأصلية كتبت بواسطة ماهر حسين     قشعر بدني يا كبار يومها ظلينا نرقص ونغني بشارع النادي والكنافة ما خلصت ليلتها يا رب ترجع ايام الفرح

يا سلاااااام ...
حبيبة حلّي حلّي .. والوحدات بطل الدوري ...

[ثائر مهداوي]

- - - -

وحدات الماضي هو نفس وحدات الحاضر بس محتاج دعمنا اكثر لرفع الروح وعدم تجريح اي لاعب او اي شخص بالمنظومه كامله

[سفيان أبوشنب]

- - - -

الله يسامحك يا ابوصلاح وجعت قلوبنا والله الوحدات مش مجرد نادي والله يا جماعة الوحدات عشق مجنون ونياله الي عنده وحدات