ابو زمع بطالب بلاعبين وهو بمتلك المنتخب الاردني كله بينت ابو زمع العوق مش بالعيبه انت مش عارف تولف. شمعنا يعني مش طالب ظهير يمين ولا حتى شمال مع انه الفريق بالدوري اعرج واتوقع انه يتكرسح بالاسيويه.
اخي ابو احمد . انت بطالب الاداره اعاده النظر بمطالب ابو زمع انا بطالب الاداره اعاده النظر بابو زمع نفسه .
اذا عشان بطولة الدوري وما تبقى من الكأس
الصف الثاني بالوحدات قادر على انهاء المهمة بنجاح
ولكن اذا عشان المشاركة الآسيوية بأبطال الدوري وكأس الاتحاد ...
على الادارة عدم تجديد عقد المدرب والاكتفاء بإكمال مدة عقده والبحث منذ الآن على مدرب بحجم طموح الوحدات
مع كل الاحترام لعبدالله ابو زمع
لكن التخبط واضح جدا بمستواه التدريبي
زعترة - الحاج مالك - ابوعمارة - ابوكبير - عدوس - احمد سريوة - ليث بشتاوي - بهاء فيصل - عامر ذيب - صالح راتب -شلباية
أحمد هشام
12 لاعب بالتمام والكمال بدون مهاجم اضافي ,, يعني عنا فريق وزيادة بالهجوم لحاله صلاة النبي
لو فرضنا الحارس ورباعي الدفاع مثبتين واثنين ارتكاز الياس ورجائي
يعني ضايل 4 مراكز ل 12 لاعب ؟؟؟؟!!!!!!!!!!!!!!!!!!!!!
والله ببرشلونة وريال مدريد ما صار كل هالأحتياط مع العلم غاد بلعبوا معدل مباراة كل 3 أيام وعلى أعلى مستوى
احنا مشان خلقة دوري وكاس وكاس اتحاد اسيوي ( في حال لم نعبر لدور مجموعات أبطال اسيا ) عنا كل هاللعيبة ,,
هل معقول مكافئات بطل كاس اتحاد ودوري وكاس محلي بتعوض نص قيمة مصاريف كل هالفريق ؟؟؟
هل معقول عنا كل هالمدخولات اللي تغطي هالتكاليف ؟؟
معقول سنتين ثلاث يصير حالنا زي الفيصلي مع تراكم المديونيات ؟؟
في اشي مش منطقي ولا صحيح نهائيا ,, عشان بطولة خارجية فيها الوحدة السوري والنهضة العماني بدي كل هالجيش ؟؟
لو جبنا أنشيلوتي ومورينيو مع كل هالخيارات الهجومية معقول بقدر يكون تشكيلة ثابتة طول الموسم ؟؟
ليش بتعجق حالك كل هالعجقة يا أبو زمع مش فاهم !ّ!!!
بنص هذول اللعيبة حصدت كل البطولات المحلية لليش كل هالتكديس الحالي ؟؟؟
بكرا نص هاللعيبة من الزهق بتصير تطلب تحرير واعارات من القعدة عالمدرجات ,,
مش كل اللعيبة من نوعية اللي بقبل يقضي الموسم متفرج ,, ليش بنحرق كل هاللعيبة مش فاهم ليش ؟؟!!!!!!
حدا عنده رأي فني مقنع يقنعنا بكل هالعجقة هاي ؟؟
حس بالحامي
وعرف انه هسا الحكي اكبر من بطولة دوري وفرق محليه
بده يخترع لحاله حجج
بدي احط رد وراح يكون ومتاكد منه مليون بالمية
بس يترك ابو زمع تدريب الوحدات على خير
سواء شهر سنة سنتين ... الخ
راح يحكي انا كنت مجبر احط احد اللاعبين بمركز غير مركزه وما اجيب اله بديل لانه كان عندي اوامر بهالشي
لا طبعا انا ما بقتنع بي محترف ب70 الف او 100 الف بعطي ابن النادي احسن يعني البهداري ما بعطي 10 الف
اذا انت تتفق معي ان التنسيب للتعاقد معه من قبل ابو زمع قرارغير صائب وان كانت الادارة تحاول التعاقد معه دون الرجوع لابو زمع فهذا يعني ان شخصيته دون المستوى
بصراحة يا اخ ابو احمد كلنا يعلم اين الخلل ولكن الكثيرين ايضا يرون وبما ان الوحدات لا يخسر بعد ٣٠ او ٤٠ مباراة فلا يهم ان تصحح ما هو خاطئ ولكن العام القادم وبدون احتراف اي لاعب لدينا سيرون بام اعينهم حجم المشكلة التي سيعاني منها الوحدات لانهم تناسو انه في يوم من الايام حسن عبدالفتاح دفع الرواتب من جيبه الخاص
بصراحه حرام اللي بيصير بالفريق ويا خوفي نرجع للعهد القديم والعرف اللي كان سائد سابقا وهو انه في عام الانتخابات يتم تدمير فريق الكرة لصالح المرشحين وتكتلاتهم ومحاولاتهم الوصول للكراسي.
يعني بأختصار اذا هالقصص اللي بتصير هي نتيجه تدخلات الادارة فهي مصيبه واذا كانت نتيجه توصيات ابو زمع فالمصيبه اكبر لأن من يملك هذا الجيش من اللاعبين حرام عليه ان يطلب اي لاعب
صحيح اننا افتقدنا لاعب وسط مهاجم في الذهاب يقوم بالدور الذي كان يلعبه حسن او رأفت ولكن مع عودة عدوس واحمد سريوة والتعاقد المتوقع مع شلبايه جعل هذه المشكله تنتهي نهائيا وحتى مشكله الهجوم ستنتهي لأن شلبايه موجود عند الطوارئ
وكلمه اخيرة مع كل الحب لأبو زمع :
اعطوني مدرب لياقه بدنيه متخصص واعطوني جيش الوحدات الجرار المتوفر تحت امرة ابو زمع واذا في نهايه الموسم لم احرز الدوري والكأس واصل نصف نهائي كأس الاتحاد على الاقل حاسبوني