جمهور زمان يا الله هل يرجع

[al nubany]

جمهور زمان يا الله هل يرجع - جمهور زمان يا الله هل يرجع - جمهور زمان يا الله هل يرجع - جمهور زمان يا الله هل يرجع - جمهور زمان يا الله هل يرجع

السلام عليكم و رحمه الله و بركاته


اخواني اعضاء و مشرفين منتدى العز و الكرامه الوحدات نت


لن اخفي عليكم ان وضع حمهورنا الكبير لا يسر الخاطر و اعداد جمهيرونا في تراجع


لم نعد نرى جماهير الوحدات التي كانت يشهد لها الجميع و اعدادها تزيد عن 25 الف مشجع


لن ندخل في الاسباب و المشاكل و ما هي الاسباب و لكن هل هذه الايام افضل من ايام زمان؟؟


و هل جمهور زمان جمهور التضحيات و جمهور هاي الايام جمهور لا يستطيع تقديم التضحيه للوحدات


و الله العظيم هاي احلى قصه مرت في حياتي و سوف ارويها لأولاد اولادي ان شاء الله



كنت في الصف السادس


و في يوم مباراه الوحدات و الفيصلي سنه 98 و الجميع عارف شو كانت 98


حكو اولاد الصف بدنا انروح على المباراه و انشجع الوحدات



انا يومها روحت و كــلت لامي بدي تعطيني نص دينار عشان اروح على المباراه


و الله الحجه ما رضت تعطيني و يومها كانت اول مرة في حياتي بدي اروح احضر مباراه للوحدات على الطبيعه


المهم رحت على هل الدزدان تاع الحجه و طلعت نص ليره فراطه و خبيتها في ثمي و اجا موعد الغداء و طلبت امي


اروح اجيب خبز و ما لـــكت المصاري و الله ولعت معها و نادت على اخوي يفتشني و ما لكو ايشي لئني خبيتهن


في ثمي و اطلعت يومها على المباراه و دخلت ببلاش دخلني زلمة و كال للشرطي هاظ ابني يا الله عمري ما بنسى


ثاني يوم

انا عادتي لما تيجي امي تصحيني على المدرسه بحكيلها بطني بوجع عشان اغيب و هي بتكتلني

و الله يومها كان معي تسموم من المصاري الي حطيتهن في ثمي و هي مش مسدكه الا لما

اعترفت و حكيت اني اخذت المصاري و حطيتهن في ثمي


و الله ما بزل انها سخسخت من الضحك بعد ما كتلتني و رحت علي الدكتور


و احنا مروحين بتكولي بتسمم حالك عشان الوحدات




بالله عليكم يا شباب يوم الجمعه بدنا يكون تاريخي و جمهورنا يعبي الملعب.

[وحداتي في الخبر]

- - - -

الله على هديك الايام

كديش مشتكلها

[القيصر الصغير]

- - - -

ههههههههه
والله قصتك من الاخر
بس عجبتني والله

وان شاء الله ع الملعب

[ابو عمار الجنيدي]

- - - -

اسال عمك ابو جمعه وعمك ابو محمد عقباوي اخضر وبعض الاخوه المخضرمين

بحكولك شو عانينا وشو كنا نعاني لما يكون في مباراه زمان للوحدات شو كنا نسوي علشان نحضر

المباراه في الملعب وللعلم يمكن والله اعلم من 76 لغاية 96 ما راحت علي مباراه للوحدات في الملعب الا بعذر كبير كبير كبير

يا رجل هو في احلى من لما تشوف الهدف على الطبيعه كنا نقعد اسبوع واحنا نحكي عن الجول

الفلاني والعللا ني وعن الشوته نفنده بالحرف

اه اه اه على هالايام اللي راحت يا ريت انشوف زيها

[al nubany]

- - - -

اقتباس: المشاركة الأصلية كتبت بواسطة junaidi     اسال عمك ابو جمعه وعمك ابو محمد عقباوي اخضر وبعض الاخوه المخضرمين بحكولك شو عانينا وشو كنا نعاني لما يكون في مباراه زمان للوحدات شو كنا نسوي علشان نحضر المباراه في الملعب وللعلم يمكن والله اعلم من 76 لغاية 96 ما راحت علي مباراه للوحدات في الملعب الا بعذر كبير كبير كبير يا رجل هو في احلى من لما تشوف الهدف على الطبيعه كنا نقعد اسبوع واحنا نحكي عن الجول الفلاني والعللا ني وعن الشوته نفنده بالحرف اه اه اه على هالايام اللي راحت يا ريت انشوف زيها

والله انتو الاصل ياعم جنيدي لاكن لم يرى جمهور هاي الايام شئ مثل جمهور زمان OLD SKOOL

ما شاف ليش الغياب عن المباريات

[أبو جمعه]

- - - -

نفسي يانوباني ترجع ونقعد مع بعض نحكي عن ايام زمان
لي صديق يدرس في الامارات طلعت معاه رحله على العقبه
طول الاربع ساعات واحنا بسيرة الوحدات ما في موضوع ثاني

[al nubany]

- - - -

اقتباس: المشاركة الأصلية كتبت بواسطة القيصر الصغير     ههههههههه والله قصتك من الاخر بس عجبتني والله وان شاء الله ع الملعب

ان شاء الله على الملعب

[al nubany]

- - - -

اقتباس: المشاركة الأصلية كتبت بواسطة أبو جمعه     نفسي يانوباني ترجع ونقعد مع بعض نحكي عن ايام زمان لي صديق يدرس في الامارات طلعت معاه رحله على العقبه طول الاربع ساعات واحنا بسيرة الوحدات ما في موضوع ثاني

والله يا عمي ابو جمعة ما في مثلكو و ايامكو كانت اصعب من هل الايام

بس شو الحل و كيف بنرجع الجمهور مثل زمان

[Marwan_fad]

- - - -

يا الله ما اجمل تلك الايام ،،

بس والله بال 98 يوم مباراتنا مع الهذولاك أكلت كتلة من الدرك وانا عمري كان اقل من 14 سنة وكنت اروح لحالي على ستاد عمان ،، بس كان ايامها ابوي معه مصاري وأطلع على الستاد بتكاسي ، وأروح مشي من المدينة الرياضية للمقابلين ،،

بس والله ايام بتجنن كنت اكون عارف اني راح اوكل كتلة قبل ما احضر المباراة لأنو على البوابات قبل ما ندخل كنت اغني وارقص وكنت اتغني بالنصر قبل الانتصار ،،

[abuammar]

- - - -

يا أخ نوباني جمهور زمان كان يعاني كثيرا
وكان الوحدات يخسر أحياناً ونخرج ونقول لن نحضر المرة القادمة
لكن أول ما تيجي مباراة نكون أول ناس في الاستاد
كانت الدنيا مطر ... أو ثلج .... أو حر ... مش مهم المهم نشوف الوحدات يلعب
لكن اليوم كثرة الاشغال اعذر ناس كثيرين إن لم يحضروا

[al nubany]

- - - -

اقتباس: المشاركة الأصلية كتبت بواسطة Marwan_fad     يا الله ما اجمل تلك الايام ،، بس والله بال 98 يوم مباراتنا مع الهذولاك أكلت كتلة من الدرك وانا عمري كان اقل من 14 سنة وكنت اروح لحالي على ستاد عمان ،، بس كان ايامها ابوي معه مصاري وأطلع على الستاد بتكاسي ، وأروح مشي من المدينة الرياضية للمقابلين ،، بس والله ايام بتجنن كنت اكون عارف اني راح اوكل كتلة قبل ما احضر المباراة لأنو على البوابات قبل ما ندخل كنت اغني وارقص وكنت اتغني بالنصر قبل الانتصار ،،

والله يا مروان المشكله زمان كان صعب الواحد يروح على الملعب و مع ذالك يكون فل و هاي الايام ما في

[أبو جمعه]

- - - -

اقتباس: المشاركة الأصلية كتبت بواسطة al nubany     والله يا عمي ابو جمعة ما في مثلكو و ايامكو كانت اصعب من هل الايام بس شو الحل و كيف بنرجع الجمهور مثل زمان

لما تروح سياسة تطفيش الجمهور في الملاعب
وما ظنيت انها تروح

[al nubany]

- - - -

اقتباس: المشاركة الأصلية كتبت بواسطة abuammar     يا أخ نوباني جمهور زمان كان يعاني كثيرا وكان الوحدات يخسر أحياناً ونخرج ونقول لن نحضر المرة القادمة لكن أول ما تيجي مباراة نكون أول ناس في الاستاد كانت الدنيا مطر ... أو ثلج .... أو حر ... مش مهم المهم نشوف الوحدات يلعب لكن اليوم كثرة الاشغال اعذر ناس كثيرين إن لم يحضروا

طبعا نعذر الذي لا يسططيع و لاكن جمهورنا لم يعد مثل ماكان

[al nubany]

- - - -

اقتباس: المشاركة الأصلية كتبت بواسطة أبو جمعه     لما تروح سياسة تطفيش الجمهور في الملاعب وما ظنيت انها تروح

يعني يا عمي زمان ما كان في تطفيش

[ابو حلوة]

- - - -

المباراة لا تنسى
كنت صغير ويوم المباراة رحنا كبل 6ساعات وكعدت ورا الجول ما لحكنا مكان منيح
الله يرحم