بداية انا مقبعة معي اليوم ..... لا مش اليوم بس صارلها 3 ايام ، مريت بفترة راحة (يعني مش مقبعة) اثناء وبعد مباراتنا مع كاظمة.
بعد ما التحقت على السفينة واستلمت قيادتها الاربعاء أبحرت من ميناء راس لفان لقيت البحر برة طين يعني موج وريح (والدنيا برة مقلوبة) .... قلنا معلهش بنستحمل ، المهم بعد 3 ساعات الابحار اجاني (غراب البين) كبير المهندسين مادد زقمه قدامه شبر ، بيطلعلو مهو اوكراني ابن اوكرانية واسمه (Oleksander) ، وبيقولي عندنا مصيبة يا كابتن (الله يغص باله ع هالخبرية) .... شو مالك الله لا يعدل حالك .... كابتن ممكن باي وقت نفقد الطاقة الكهربائية وبعدها بربع ساعة بنفقد المحركات .......... كشكول!!! يعني بنتكلم عن مصيبة مركبة!!! تذكرت مالك بالاستراحة بيسألني عن مزاجي اليوم .... اي عن جد تبا له (الاوكراني طبعا).
شو الكم بطولة السالفة اعلنت الاستنفار وكلمت الشركة وخبرتهم بالوضع وبديت اتحسب للأسوأ ... ربنا سلم ووصلنا جزيرة اسمها حالول ووقفت السفينة وربطنا على عوامة وبدأت الشباب بعمل المطلوب واليوم الصبح خلصوا الشغل وكله رجع تمام (على ذمة ابن الاوكرانية) ...
اليوم من الصبح مش قادر اتابع النت كويس لان سرعة النت على السفينة تسير على طاقة (الشمعة) ومش (الفانوس ولا لمبة الجاز) .... وبالنص تراسلت مع بعض الاعضاء على الخاص وتنرفزت بزيادة من عدم قدرة البعض على استيعاب الاخر ناسين او متناسين كم هو كبير الوحدات (اللي بيجمعنا) ولازم نتنازل لبعض شوية ولازم القنوة تكون اخر وسائل الحوار ..... من عصبيتي عملت (لوg اوت) ورحت انخمدت
صحيت على تلفون فرايحي ...... ضابط الوردية بيرن على وبيقول كابتن عندنا مشكلة ....... كشلي ، الرافعة الكبيرة علقت وعليها وزن بالمية والغطاس بده يطلع ولازم نتحرك و و و و (تبا له) على هيك تصحاية ........ انسو الموضوع انحلت بعدها بعشر دقايق وبس انا اللي راحت علي النومة ولسة مالك بيسألني كيف مزاجك اليوم؟
فتحت الموقع ورحت رماح على قسم الشكاوي ولقيت كل المواضيع مغلقة تقريبا .... قرأت معضمها وجدت ان كل صاحب شكوى قد تمت اجابته من ابو محمد عماد (بارك الله فيه) ..... شوي انعدل مزاجي ..... الان فاتح على قناة عودة وبسمع انشودة (راجع لبلادي وارضي الحنونة) وقدامي كاسة شاي أخضر بالنعناع .............. مالك ما ترجع تسأل عن مزاجي.
اللهم هون علينا سفرنا هذا ، اللهم اني أعوذ بك من وعثاء السفر
والله اني احبكم جميعا يا ابناء العشيرة الوحداتية ، بارك الله لكم وبارك فيكم
والله يا ابو عدي حاولت افك رموز الشيفرة الى كاتبها
بس ما قدرت افهم اشي من هالخرابش وكونك مثل ما سمعت
زمان انك ابن مادبا المفروض انا الي افهم عليك
تحياتي الك يا كبيرنا والله يوفقك برحلتك يا قبطان ابو عدي
معك حق فانا كتبتها بلهجة أهل اربد لاني من مواليد اربد وعشت بها طفولتي من 1962 - 1970 وبعدها ارتحلت للزرقاء وعشت 20 سنة ومن عام 1988 انا من سكان مادبا ...... بس ما قلتلي اي لهجة من مادبا انت بتحكي حتى اترجملك!!!!
تقريباً زي هاي بالزبط
هذا بعد التحريات والتقصي
HP 2,560 HP With Cruising Speed of 16.5++ Knot
Patrol Ship Dimensions and Range
LOA-179'
Beam-31'
Draft-10'9"
Depth-15'
Long Range-8500 miles
Speed-16 knots
Gross Tons-751
Registered Tons-188
Port tank 3,748.25 gal
Starboard tank 3,748.25 gal
Port centre tank 4,342.80 gal
Starboard centre tank 5,165.16 gal
Port wing tank 8,065.20 gal
Starboard wing tank 8,065.20 gal
Total 33,134.86 Imperial gallons
Accommodation Facilities
16 single cabins (6 with private BR w/shwr)
3 double cabins
Exceptional galley (stainless steel, day fridge, walk-in cooler, walk-in freezer)
2 messes
2 Recreational Areas
2 Offices
Laundry
Stainless steel bakery/pantry
Navigational and Electronic Facilities:
Large wheel house with separate large radio/chart room
Sperry Gyro Pilot (SRP 690)
Sailor VHF Type RT144B
Raytheon SSB (RAY 152)
Icom VHF Model M45
JRC Loran-C
Garmin GPS
Racal-Decca (BT502) Radar
Elac Depth Recorder
Autronica Fire Contol System
plus PMC Bridge & Wing Controls
تقريباً زي هاي بالزبط
هذا بعد التحريات والتقصي
HP 2,560 HP With Cruising Speed of 16.5++ Knot
Large wheel house with separate large radio/chart room
Sperry Gyro Pilot (SRP 690)
Sailor VHF Type RT144B
Raytheon SSB (RAY 152)
Icom VHF Model M45
JRC Loran-C
Garmin GPS
Racal-Decca (BT502) Radar
Elac Depth Recorder
Autronica Fire Contol System
plus PMC Bridge & Wing Controls
اضحكتني أضحك الله سنك ، يا زلمة هاي سفينتك من ايام ما كانت السفن بتمشي على الحطب ........ عليها جهاز اللوران - سي ، هذا الجهاز معدل الخطأ بالموقع فيه بيصل الى 20 متر الان عندي 2 DGPS تصل دقة الموقع فيه الى 20 سم فقط .....والا الرادارات كشلي هاي من عصر الزراير بدور بالازميل والشاكوش ... وكمان شو نظام الحريق عليها (Autronica Fire Contol System) شو نوعه ؟
بس للامانة كاينة بزماناتها ست العرايس على هالاجهزة اللي عليها
ايام الواحد يتعرض لابتلاءات تماما كما حصل معك وعليه ان يصبر لان الله يبتلينا في هاي الحياة
قبل ايام ما صليت الفجر الا بعد شروق الشمس ووالله ما ريت اصعب من اليوم خناقه مع الزوجه والاولاد الصغار وبالشغل امرت بامر للعمال فوقع سيزر ليفت على فورمان وانكسرت رجله من الفخذ ولما رجعت من الشغل رفضت اتغدا مع الاولاد والاسلرة ورحت على مطعم الجامعه وطلبت غداء ولما اجيت احاسب ما لقيت معي فكه وتدينا من شب مهندس كان موجود بالمطعم ولما اجيت اوكل طلع الكل مش لحمه زي ما طلبت طلع روبيان وعليها صلصه كانت مخفيتها وشطه من 220 فولت واكلت خاوة ولما وصلت المكتب حدثني صاحب العمارة اللي رحلت منها كان الي عنده 1000 ريال اكلهن عليا بحجة اني تركت مرطبانات زيتون بالبيت وخلافة فسبحان الله
الحياة يا ابو عدي كلها ابتلاءات والكيس اللي بيصبر ويحتسب امره لله ولا يخالف الله حتى لو شو ما صار
الله يهونها عليك وعلينا
معك حق فانا كتبتها بلهجة أهل اربد لاني من مواليد اربد وعشت بها طفولتي من 1962 - 1970 وبعدها ارتحلت للزرقاء وعشت 20 سنة ومن عام 1988 انا من سكان مادبا ...... بس ما قلتلي اي لهجة من مادبا انت بتحكي حتى اترجملك!!!!
أولًا .. الله يسلمك من كل شر يا أبو عدي ، وبعرف إنه سواقة هالسفينه بالنسبة إلك زي سواقة البسكليت أبو الثلاث عجال بالنسبه إلي ، او زي ما كنت أسوق عرباية البيليا زماااااان !!
بس هل من الممكن ان تُفيدنا عن هذا الاستفسار ؟؟
إمبارح .. أحد الأخوة الكرام نزل موضوع عن توقعات الأعضاء وأمنياتهم عن الفريق الذي ممكن نقابله بعد مباراة كاظمة ، وتحديدًا في دور الثمانية .. فكان تعليقي .. ماليزيا بحكوا إنها حلوه كتييير .. خلي هالشباب تشم الهوا !!!!
أبو عدي .. فيها بريكات السفينة .. و إذا فيها كيف بيكون بريك إجر ولا البريك على الإستيرنج ...!!؟
صحيح هو فيها إستيرنج .. و إذا فيها إستيرنج بيكون باور و لا عادي ...!!؟
يعني بتخمّس فيها بنص البحر .. و إذا بتخمّس فيها شو نوع الكوتشوك ...!!؟
طب الكوتشوك ( تيوب ) ولا ( تيوبلس ) .. و إذا لا سمح الله بنشرت كيف بتفكوا و بتركبوا البنشر ...!!؟
ربنا يحماك .. و يرجعلنا إياك سالم غانم يا حبيب الكل ...
سلام للغالي ابوعدي مع اقتراب نهاية العام الدراسي ومشاكل المعلمين صارلي يومين مجاز من يوم الاربعاء حتى صباح الاحد لو بعرف هيك كان رحت مع وسليتك شوي بس الخير في الجايات سلملي على البحر والمهندس الاوكراني وجميع طاقم السفينة ونسال الله العلي القدير ان يردك الى اهلك بخير وصحة وعافية