قبرت اهلك = كبرت اهلك مع تضخيم الكاف والباء
انا لحد الان بكدرش اضخم اي وحده فيهن
عمرك اطول من عمري يا حسن
بالنسبة لهالhcلمة فعرفتها من لغة اهل عين hcارم قضاء القدس وهي لغة أهل الطيار( خطيبي) وطبعا حماتي (إمي) بس اعمل اشي ما يعجبها بتكول ..كبرت رجالها حنان وبتلحكها باليهودية عشان تبعد عني الدعوة فبتكول كبرت رجالها حنان اليهوديه
مرات طبعا بتكبر كل العيلة ...
ههههههههههههههههههه
الله يحفظchوا لبعظ
على chل حال بكيت اليوم بدي ابدا بعين كارم لانها العين الوحيده اللي ما شربت مي في حياتي من عين زيها.
وان ما خانتني ذاكرتي هذي العين جايه تحت مسجد ، وميتها ف عز الصيف ثلج .
يا ناس في النا شربة مي ثانية منها؟!!!
بقصد المسخمط اللي لا طال أرظ ولا سما ، اللي لا هوه محسوب عاللحم ولا على السقط ، اللي معاه كرت مؤن ومعهوش رقم وطني ، اللي مسجِل للتطعيم في عيادات الوكاله وبصحلوش يروح عالبشير ،، هوه من قريه من قرى الخليل ولما تنيلوا على عينهم وطلعوا من البلاد أجت طلعتهم من غزه !! المسخمط هاظ خطرة وحده بحياتو كلها شاف فيها البلاد ، ووقتيش هاظ الحكي ؟؟ سنة الأربعة وسبعين وكانت الشغله لساتها حاميه يعني كل روحته وجيته كانت عن طريق اليهود ، بتصريح منهم وبتنسيق منهم ، وبعد ما تمرمر هوه وأَمُه وخوانه وطلعت عينيهم من روسهم لما طلعوا جواز مؤقت .. ليش لإنه هو عند اللي هان محسوب من غزه وعند اللي هناك من الدوايمه " الخليل " شفتوا هالمسخمط على عينه اللي كان أزغر واحد بخوانه ، يعني الزغنون فيهم ..
المرة الوحيده هاي اللي شاف فيها البلاد ظلت مزروعة جواته وظل يحكي فيها لليوم لإنه شاف فيها أيام من أحلى أيام حياته راح فيها على يافا " بلد أَمُه " وشاف حيفا وشاف البحر وشاف دار سيده أبو أمُه اللي في يافا واللي " سمحوله " اللي قاعدين فيها يفوتها ، واللي أَمُه عدت غرفها غرفه غرفه ، رغم اللي غيروا فيها ، واللي قاعدين فيها بتطلعوا ببعض من تحت لتحت وهُمه عارفين !!
رحنا نابلس وجنين ، رام الله والقدس ، القدس آآآآآآآآآآآخ بس ،، كنت صغير يا دوبني إحدَعشر سنه .. وين يصحلي هسع أروح !! آه صحيح هذول رحناهم شمة هوى يعني كنا نقعد .. وين في خلا نبسط فيه زي رحله يعني !!.. الله ينتقم منهم اللي في بالي .. وعَ فكرة اللي في بالي مش اليهود !!
رحنا عَدور خوالي بغزه ، أني دور هاي ؟؟.. غرف مقسمه بلبن خمسطعش جوات هناجر عاليه وكل عيله إلها حواطيه من هاللبن على قَدَر غرفه أربعة في أربعة لكل عيله !!.. وساع يا عمي شو بدنا بالحكي .. وكل خال من خوالي الثلاث قاعد بمخيم - بتعرفوا يعني - عشان البراح وعشان يشتاقوا لبعظ !!.. واحد في مخيم البريج ، والثاني في مخيم المغازي ، والثالث في مخيم الانسراط ، أو الانصراط عشان اللهجه واللغة بلاش حد يزعل ويحول هذا النص " تحت المجهر " ..
وبعدين معي أنا !! خربطلكم كل الموضوع .. ما هو شرط الموضوع إنه الواحد يحكي بلهجة بلده !!..
أي والله هالمسخمط اللي بحكيلكم هالخراريف هاي ما هو عارف يرسيلُه على لهجه .. بس معاه حق .. مهو انولد في مخيم من مخيمات اللي بحكوا عنها الصمود في بيروت ، وأجا عاش هون في مخيم الشتات الوحدات حتى لما راح على غزه هالشهرين اللي قعدهم هناك أغلبها قضاها عند خواله في الثلاث مخيمات العشر نجوم ..
بعدين ،، يحكيلكم بلهجة أهل غزه .. ولا بلهجة أهل الدوايمه ؟؟.. وِلا صحيح لو إنه حكالكم هالحدوته بلهجة أهل لبنان ما هوه قعد فيها ست سنين ؟؟ ..
يسلموا اديchي يا حنان على هالموضوع
انا ماعمري رحت على فلسطين ولا حتى امي وابوي بس سيدي الله يرحمه وعمي الchبير بعرفوها منيح يالله سيدي عاش معنا عمر chثير وبكى دايما يحchيلنا عن فلسطين كصص تحزن وتفرح بكينا نكعد بالساعات نحchي عن الكدس والعوجا واريحا وchثير محلات بكا سيدي محمد الي مات وعمره 105 وسنين كبل سنة تكريبا وحت سيدي الثاني بحchيلنا كصص ورح احطهم هان بس يصير معي وكت بتعرفي هلكيت مشغول في الامتحانات
طيب يا طيار وهينا بنستناك بس تخلص امتحانات مشان تخرفنا عن hcل الكصص الي خرفوك اياها
ابوي كان بيشتغل شوفير على خط سرفيس نابلس - اربد ومن سنة 1957 اا سكن باربد وخلفوني باربد بمستشفى راهبات الوردية ، المهم شلو الكم بطولة السيرة ، مرضت امي وراحت كعدت عند ستي والله يرحمها ماتت واندفنت بقرية (السفلة) قضاء القدس في 17-4-1964
بعد 10 سنين من ولادتي رحت زيارة سنة 1972 على بلدنا (الجبعة) قضاء الخليل ، اضحتشو شوية علي ، طلبت مني ستي اروح اجيب خميرة من عند ستي (عمة ابوي) حسنة المهم روحت ولما أعطتني العجينة قلتلها لا ستي بدها خميرة (يا شحار حالي .... كشلي) طلعت هان بالبلاد بيعرفوش الخميرة وبيخبو شوية عجين وبيخمروا فيه العجنة الجديدة ...... والا النهفة الثانية قررت أعمل طرزان ورتشبت حمارة دار سيدي ونخزت الحمار وصار (يزاعط) فيِ وراح (معنفص) وراميني على الارض وتفعفلت بالتراب ويا حسرتي يا ظيم حالي اجت وكعتي على جنبي اليمين وكنت مخبي شوية لوز بجيبتي ولما وكعت نخزني بخاصرتي أخ لسة بتوجعني لهسة.
عمري ما بنسى مناطق بكريتنا ، في بير (ابو بين) لساتو مليان مية ، دتشان ابو عطية لاني الله يسامحني سرقت منو علبة سردين لسيدي ، وستي عصبت علي ولحقتني (بالحفاية) وشردت ووقعت علبة السردين وراحت رجعتها للزلمة والنكتة انها كالتلو هاظ عماد ميخذها بالغلط (غلط مين!!؟)
شميت ريحة الطابون عند دار درويش والله والله والله لحد هلكيت وانا بشم نفس الريحة ووين ما اروح على الكرى هان بالاردن بظل ادور واشمشم ع نفس الريحة بس مش لاكيها
يا محلى خرافك يا ختيار بس hcنك hcاين شكي وانت صغير ومش نافد حدا من شكاوتك
الطابون شميت ريحتا مرتين وغميت عليها من حلاتها
الطابون ريحة فلسطين وبتميزها عن بعد ميت كيلو
بنستنى باكي خرافك ياحج
اخر مرة زرت فيها فلسطين بكت سنة ال 2000 ، مش مذكر منها اشي الا فلسطين ، فلسطين بكدسها وبحجارها وبناسها .
من لما اعبر نهر الاردن ريحة فلسطين بتملا الجو ، تخيلوا على chثر اليهود وريحتهم اللي بستوردوها من اوروبا بظل ريحة الام فلسطين انكى وحلى وجمل.
احلى منظر يا جماعة لما نصل الكدس ونلف من فوق جبل وتلاكينا كبة الصخرة ، في حياتي ما شفت احلى من هيذ منظر.
لما نمر من شوارع الكدس ونتعداها بظل مرسومة في البال حتى لو راح من العمر مية سنة بظل الرسمة زي ما هي .
بنطلع من الكدس وبنخش بيت لحم وما احلى ساحة المهد فيها ،ما احلى شوارعها والبنايات الكديمة اللي فيها واللي زارها منchو يchي يا جماعة.
ومن بيت لحم للخضر ، وكل خليلي لازم يبكى يعرف هلبوابة التاريخية اللي لهلوكت فيها جمال مش موجود عند chثير من المناطك التاريخية.
ومن الخضر للكرية اللي للان مش ناسيها ومش رايح انساها ان شا الله " حوسان".
وهذي صورة لعين الهوية فيها:
وراجعلchوا اذا الله اعطاني عمر
ان شاء الله يا حسن الله بhcتبلك عمر وبترجع تزورها وتعمل نفس اللفه الي عملتها بال 2000
يا محلا هالعين ولله شهيتني اطلع صور الها واتفرج عليها
طبعا انا خليلي وافتخر وبحكي باللهجه الخليليه التي اعتز بها كثيـــــــــــــــــــــــــــــــــــــ ـــرا
يعني بنمط بالحكي وبنحكي ئال وئلنا والنا مصطلحات خاصه فينا رح احكي فيها اللي بعرف بعرف واللي ما بعرف يسال يا خالي وانا حـــــــــــــــــــــــــــــــــــــــ ــــاضر اجــــــــــــــــــــــــــــاوب بس والله رجال الخلايله مثل كل اهلنا بالبلاد
بعض المصطلحات علشان تعرفوا
العواف -- يعطيك العافيه
السلامات -- السلام عليكم لما تكون غايب كتير عن الواحد
دخشه -- بكره -- غدا
راس السئاء -- اول الدخله او الزكه بالفلاحي مع احترامي الشديد طبعا
هئيتي -- هلكيت بالفلاحي وهلئ بالمدني والان بالفصحى
هئ -- شهقه قويه للاستغراب
الكروم -- البستان
ابيلا -- امبلا او ايوه
-------------------------
طبعا ستي الله يرحمها توفيت عام 1997 عن عمر 105 سنه ما شاء الله وسيدي توفي قبلها بشهرين بنفس العام عن عمر يناهز 115 سنه ما شاء الله
اجوا على عمان سنة 85 علشان يحضروا فرح ابن عميـــــــــــــــــــــــــــــــــــــ ـ ولما خلص الفرح بدهم يروحوا على الخليل ستي بتحكي لسيدي وقئتيش بدنا نروح ئالها دخشه مع الصبح ئالتله خلينا يومين عند لولاد اسعان ما ما شفناهم متل الخلئ ئلها علي الطلاق الا نروح دخشه مش عارف ائعد هوني اسمعي يا مره وين باصي بئصد طبعا جواز السفر وتصريحي ليكون ضيعتــــــــــــــــــــــــــــــــــــ ــــــــــيهم لا يا زلمه هيمه معي بالكيس طيب ئولي لعبد العزيم ( عبد العظيم ) والدي رحمه الله يحكي مع جواد يستننا على راس السئاء بعد الضهر ئالت طيب هئيتي بحكيله اسمعي خليه يجي على الكروم ئبل طيب يا زلمه يئطع شرك
بعد شويه حكيتي لعبد العزيم ولى لا ابيلا حكيت جاوبت ستي وتاني يوم روحوا على الخليل الله يسهل دربهم
هاي سريعه بس في كمان ئصص حصلت معي لما انا روحت لغاد سنة 98 وئصص لما كنت زغير بحكيلكوا اياها بعديــــــــــــــــــــــــــــــــــــ ــــــــــــــــن ان شالله
ولله فكعتني من الظحhc يا ختيار ...الله يعطيك الهنا وطولة العمر يارب
بس يا حج كأنه مش hcل أهل الكظا بحhcوا نفس اللهجة ..هلكيت انا في الي hcثيير صاحبات من كظا الخليل خصوصا عجور بس لهجتهم بتختلف hcثير عن لهجتhcم ولا انا غلطانه؟؟
خرفنا عن الخليل أhcثر يا حج بيطولك أجر
بداية .. هذه أولى كلماتي هنا ، لذا وجب علي أن أقدم احترامي ومن ثم اعتذاري للأخ الفاضل " أبو محمد عماد " مشرف المنتدى الفلسطيني ، الذي وجه لي دعوة لدخول هذا المكان !!.. هذا المكان الذي يحمل أغلى الأسماء .. حينها ترددتُ واعتذرت !! لكنني كنتُ وما زلتُ أتسلل خلف رمز المرور وأعبر إلى فلسطين .. أجوب فضاءاتها ، أتبارك من عظمة قدسها ،وأخشع في محراب أقصاها ، أتسلق شموخ جرزيمها وعيبالها ، أعتز بجهاد وتضحيات خليلها وجنينها ، أسجد على كل أرضها وألثم تراب آبائها وأجدادها ، أستنشق عبير أزهارها ، أرتوي عذب مياهها وأنعم بصفاء سمائها ، وأسبح في بحرها في غزة الصمود .. ثم أعود !!..
أعود من حيث أتيت في غربة الشتات ، ووحشة البعاد وألم الحنين والفراق وحسرات اللاجئ النازح !!
أعود لأجد دعوة أخرى من الابنة الغالية حنان للعودة إلى فلسطين ، لنحكي عنها وبلهجة أهل البلاد .. نحكي عن ساحات الحارات وسنسلات البيارات ، عن معرشات الداليات وسمر السهرات ، عن دفء القعدات على سطوح " العقد " وعن حلو اللمات ..
نعود لنحكي .. فالحكي ما فيش عليه جمرك ولا تفتيش ، والخُراف فش عليه رقابه ولا تنبيش !!
بس يا خوفي نضلنا نحكي وهالحكي كله يعاود ولادنا يحكوه لولادهم !!
يي .. كشلي ساعتها !!
إذا بدكم أرجع أحكي بحكيلكم عن " المسخمط " اللاجئ النازح ..
مهو يا والدي هلحين مش طالع في اد\ينا غير الحhcي خلينا نفضفض عن الي في كلوبنا بلكي ارتحنا شوي
احhcي hcل الي في بالك ولا يهمك يا حج
بتعرفو يا جماعة
احلى ما فلكصه هان ، انها chل واحد فينا بحchي بلهجة اهل بلده
يجبر بخاطرch يا حنان يا بنت ابو العز الي جبرتي بخاطرنا فهلموضوع
عارف يا خوي يا حسن
عندي إمي الله يطول بعمرها نابلسية وحhcياتها بختلفن عن حhcيات الحج الله يطول بعمره hcثيييييييير
بس بيني وبينك بحب خراف الحج أhcثر ..بحسه عالبساطه وفش احلى من البساطه ولله
كان في المحاضرات مرات يصير يفلّت خراف فلسطيني كح وينسى الفصحى...ولله لو كنت تشوف الطلاب hcيف يتفاعلوا معه تكول كاينين مخنوكين وبس بدهم يطلعوا