اقتباس: المشاركة الأصلية كتبت بواسطة حنان عبد الرحمن عز السلام عليكم.... يا مي ... اين انتِ من العبادات.... وماذا تعني لكِ... -الصلاة -قراءة القرآن -الصيام حلم مي العربي؟؟ هل سبق وبكيتي على الاطلال..؟ اين مي من الحب..؟ برأيك الشخصي ..هل تحررت مصر فعلا مما سموه بالظلم...والاضطهاد؟؟ هل تسمحين لي بالعودة؟؟ وعليكم السلام حنان .... إجابة على أسئلتك وهي ع فكرة من أقوى الأسئلة بما إنها بتفوت في الشخصية ... وين أنا من العبادات وشو بتعني إلي؟ شوفي برغم إني من بيت غير تقليدي إلا إنه بيت ملتزم بالعبادات بشكل عام، وجدي أزهري، صحيح إني مقصرة في المسألة هاي وبلوم حالي ألف مرة ع التقصير وبتمنى إني أتجاوز تقصيري لأنه بالنهاية وما توفيقي إلا من رب العالمين. الصلاة : ركن أساسي مهما ادعينا قراءة القرآن : لذة للي بكون فاهم شو بقرأ وبحر لا حدود له بمتزج فيه الحب والذهول ومشاعر مختلطة دائماً الصوم: بآخر رمضانين كان اله لذة جميلة لأنه مارسته كما كنت طفلة فكان إعادة حياة لروحي. حلمي العربي : وحدة الأمة العربية واعترافها بقوميتها زي كل القوميات التانية وانتهاء التبرأ من قوميتنا وكأنها رجس من عمل الشيطان طيب حتى الرسول صلى الله عليه وسلم فاخر بعروبته يا عالم ؟ الأطلال: أنا من النوع اللي بحرق المرحلة وما برجع إلها راحت إنتهيت منها .... لكن إن كنتِ بتقصدي أخطاء في الماضي أي نعم بندم عليها الوحيد اللي ما بندم هو اللي ما بقبل إنه إنسان أما بكاء عليها لا ولا مرة لأنها اشي وراح واللي راح براجعه أستفيد منه عشان ما أكرر غلطي مرة تانية. وين أنا من الحب ؟ لولا الحب ما عشنا ككل، الحب حالة عامة سواء كنا بننكر أو بنوافق ... أنا منه في حالة تقارب أبدية برغم إني من أهل التقية تجاه البشر وما ببين مشاعري الصادقة لآخر لحظة. بالنسبة لمصر : تحررت من رأس هرم ومارست بداية ثورتها لكنها لا لازالت مصر ترزح تحت ضغط الثورة المضادة وعمليا بتقدري تعرفي رأيي بالموضوع هاد في كل اشي بكتبه عن سورية اليوم والثورة المضادة ولو إني ما كتبته هون بتلاقيه في موقع شقيق. هل أسمح لك بالعودة؟ دائماً وأبدا ... وحياك خيتي