اقتباس: المشاركة الأصلية كتبت بواسطة الذيب تحياتي لكبير المشرفين العزيز الغالي، حبيبي وصاحبي، وجاري اللدود أبو صلاح القصراوي. اسمع يا محمد.. يا قصراوي. المواقف الطريفة في حياتي كثيرة جدا، وأن تعرف جيدا صاحبك أبو محمد، وتعرف أفلامه ونهفاته. أولا: انت كانت حاضرا في الفلم اللي سويته بأبو شهاب لما رن عليك على تلفونك وانا كنت عندك في الشغل وكان محمد سكيرجه موجود كمان، رديت انا عابو شهاب، وغيرت صوتي مثل صوت واحد مرعب وعصبي جدا، وقلت لابو شهاب أني لقيت هذا التلفون في الشارع، وطلبت من ابو شهاب ييجي يستلمه ويعطيه لصاحبه، وبلشت اشتم، وأصرخ في ابو شهاب، وابو شهاب ميت من الخوف. ابو شهاب المسخم، من الخوف رن علي وقالي، ابو صلاح ضيع تلفونه ولقاه واحد أزعر من الزعران في طبربور، وذكرلي اسمه، حكيت لابو شهاب انت وقعت مع واحد قتال قتلا، وحاول تنهي معاه، بلاش يجيبك، لو كنت في السما. ابو شهاب مات من الخوف، وارجعت رنيت عليه من تلفون ابو صلاح، وبلشت اهدد فيه، وقلتله إذا ما ابتيجي توخذ التلفون بقطعك. طبعا ابو شهاب هديك الليلة ما نامش، وظليت اسرح فيه لنص الليل. وابو صلاح ومحمد سكيرجة ابو هشام محششين من الضحك. يا ويلي عليك ليلتها يبو شهاب.... أما المواقف مع الأهل والأصحاب فهاي بدها صفحات كثيرة. باختصار أنا أعمل أفلام مع الجميع وخصوصا على التلفون، وأحيانا الكاميرا الخفية مع أشخاص كثيرين. اه والله يومها كان راح يغمى علي من الضحك.. يا اخوان ياسر ذيب يمتلك مواهب كثيره ومتعددة ما شاء الله عنه ومن أهمها مواهبه الكوميديه وفيديوهاته اللي بنزلها على الواتسب ، منها الكوميدي ومنها الرسائل التي تحمل مواضيع تهم أمر الامه والإسلام ويا ريت ابو محمد بو تنزل رابط الرساله اللي وجهتها بخصوص خطبة عرفه وأداء الإمام ال شيخ فيها .