[ام يحيى]

- - - -

اقتباس: المشاركة الأصلية كتبت بواسطة مي هديب     نيجي لسؤالك الأول: وإجابة سؤالك الأول بدها شوية توضيح عشان نكون عارفين وين احنا رايحين ... بداية ومرة تانية أنا ما بوجه نقد للرجل بشخصه لأني لا قرأت اله ولا بعرف شو كتب إنما نقدت العلوم الإنسانية الموسومة بالدينية والدراسات الإسلامية النقلية وهاد منهج عام في العلوم مش دكتور أو شخص أو إمام عودة للسؤال وين هاي النقطة بالتحديد بتيجي للتنويه وهو مأخذ عام مش خاص، أما وين فبنرجع لمراجع الكتاب واللي هي وللأسف لم تحتوي على أي من المصادر الثقات واعتمدت على قاعدة التاريخ المكتوب بعد الإسلام... عزيزتي الشفوية هي تاريخ العرب متل الشعر الجاهلي واللي سمي بديوان العرب وروايات العرب الشفوية وتعتبر مصدر من مصادر التأريخ .. وهاي الشفوية أهملتها كل العلوم الإسلام وما تنطحت إلها إلا لما انتقدها طه حسين باعتبار إنه العلوم الإسلامية اعتبرت التواتر مصدر ثقة لكن الغريب الموقف الانفصامي من التواتر في كتابة التاريخ إذاً إهمال التاريخ الشفوي ما قبل الإسلام بحد زاته مأخذ ومأخذ كبير على العلوم الإسلامية خاصة بعد العصر الأموي... طبعاً وباطلاع سريع على مراجع المؤلف بنجد النقطة هاي مثبتة لديه وبنرجع نحكي إحنا ما بنحكي عن الشخص نفسه بقدر ما بننتقد منهج هو اتبعه في طرح دراسته. وبعتقد من خلال الاجابة عن السؤال جاوبتك شو يعني شفوية ومش محتاجين نجاوبها مرة تانية فهي لأ مش لغة هي مصدر وديوان العرب .. النقطة التانية وهي الإسرائيليات .... مين قال إني معني بإني أوجه كلامي لليهودي قبل العربي أول؟ ماهو العربي ماشي بالإسرائيليات أكتر من الإسرائيلي نفسه لدرجة بحكي فيها إنه سليمان عليه السلام كان أحد حكام القدس وإنه اسمه القدس في مرحلة من المراحل كان أورسالم والمعروفة ضمناً عند اليهود الصهاينة بأورشليم وهاد فعلياً لم يثبت بأي حال سواء بالتاريخ ما قبل الإسلام أو بترجمات نصوص أوغاريت واللي هي مهملة تماماً لدى المؤلف ولدى مصادره أو حتى برسائل تل العمارنة وهي لسا قصة راح نفوت فيها لأنه ذكر نقطة عنها يجدر إنه يتم نقاشها ومطولاً ... وما بعرف إنتي شو قصدتي في قولة أغلب الناس بتعرفها؟؟؟ طيب ما أغلب الناس بتحكي مسلمة إنه يعقوب عليه السلام هو نفسه إسرائيل ولسا النقطة هاي ما خلصنا حكي منها وإلها دراسات ومقالات بحثية طويلة جداً بنقدر نستدل فيها ونثبت إنه ولا يمكن ولو تراجعي اللي كتبته شوي شوي راح تلاقي إشارة مكنية عن الشي هاد بعدم منطقية إنه يعقوب عليه السلام هو نفسه إسرائيل... النقطة التالتة ذكرتي مسألة تعد كارثة بصراحة ... وهي إنه اللغة الآرامية تحولت إلى اللاتينية وبالتالي تحولت للعبرانية ؟؟؟؟ يا صديقتي الآرامية لا زالت لغة حية على ألسنة أهلها وفي علم اللغويات لم تمت اللغة الآرامية بل تطورت وحكينا إنها ضمن دليل اللغة الجغرافي أحد اللغات النواة للغة العربية الفصحى مثال على اللغة الآرامية: إيلي لم شبقتني ... حوار المسيح عليه السلام مع الله حسب الإنجيل وترجمتها للعربية المحكية والمعروفة إلهي لم تركتني إيلي : إيل ياء الملكية هل اختلفت عن قولنا إلهي ؟ إله ... ياء الملكية لم : لم بالعربية بالآرامية نفسها نفسها شبقتني شبق : ترك والشبق كلمة مستخدمة عند الحضرموتيين لتاريخه بمعنى الترك والآرامية لغة محكية في شمال الجزيرة العربية أي في سورية الطبيعية وشبق كلمة مستخدمة في مصادر اللغة العربية المعروفة حاليا وقلنا معناها ترك نرجع لتركيبة الكلمة شبقتني تقسم إلى قسمين : شبق : ترك ... تني ضمير وتاء الفعل الماضي المبني على الفتح عزيزتي ومضيل متصل في محل رفع أنا نيجي للعربية المعروفة تركتني ترك : تني نفس التركيبة اللغوية ونفس الإعراب بالمحلة حتى التركيب اللغوي للجملة نفسه " إيلي لم شبقتني ... إلهي لم تركتني " فبصراحة جملتك عن الآرامية تعد كارثة رسمية عزيزتي لأنه الآرامية لم تحول للاتينية ولا حتى في الكتابة إن كان قصدك عن إنجيل بيزنطة الأول يعني ... والعبرانية هاي مسألة بنتركها لحالها ولكن أبداً ما كانت هي الآرامية في تحولاتها. النقطة اللي بعدها وهي قولك إنه القبائل اللي سكنت هي كانت حكراً على اليبوسيين والكنعانيين فهاي برضه مغلوطة تاريخية وأنتربولوجية وآركولوجية... سميت مملكة أوغاريت بمملكة المدن السبع ... وكانت المدن السبع قائمة على سبع أعراق من ضمنهم تفريعات الكنعانيين واليبوسيين هم من أبناء كنعان وعرق من الأعراق ومش عرق منفصل ومن ضمن اللي سكنوا فلسطين قديماً هم الحثيين والفلستنيين والكريتيين وسواهم بما لا يتسع الحديث عن باقي الأعراق وكل عرق كان اله تفرعاته والكنعانيين هم وتفرعاتهم كانوا بشكلو مركزية الحكم في حكمهم لمدينة بيت المقدس أو القدس الحالية وما حولها. قلتي كل الأنبياء كانوا موحدين وأنا ما تعرضت للأنبياء تعرضت لأقوام دينية موحدة وإن اختلفنا معهم مثل اليهود والصابئة والنصارى والأحناف وإلخ .... وأنا قلت إنه العرب الوثنيين كانوا دائماً على عداء مع الأقوام الموحدة النقطة الأخيرة إنتي رجعتي لأسلوب الإقرار بدون دليل وهو إنه معروف ومعروف هنا بدون دليل معناها جملة غير محققة لا يأخذ بها... معروف إنه النبي يعقوب عليه السلام هو إسرائيل ولكن يفضل عدم ذكرها زي مقولة معروف إنه النبي يعقوب غلب الله حسب التوراة ولكن يفضل عدم ذكرها إذا هو إقرار ضمني بإسرائيلية وتثبيت إلها مش تمحيص فيها وأنا عرضت بعض المنطق وإنتي ما رديتي عليه سوى بمعروف ومعروف لا تعني إنك جاوزتي النقطة أو ناقشتيها بل رديتي عليها بدليل قطعي بدون دليل والسلام بانتظار ردك....

عزيزتي مي
راجعت دفتري والكتاب وبصراحة
مش عارفة شو ارد عليكي
اللي اخذته حكيته
وكانت دورة مستوى عام
في جملة حقيقة ادهشتني
أما وين فبنرجع لمراجع الكتاب واللي هي وللأسف لم تحتوي على أي من المصادر الثقات واعتمدت على قاعدة التاريخ المكتوب بعد الإسلام...
يمكن لو حضرتي المحاضرات رح تكون
الصورة اوضح بالنسبة الك
اما اللغة الارمية حكالي اياها دكتوري بالجامعة
وانا ما دققت عليها ما بتهمني
لو هون ولا بدراستي
اذا غلط فمنكم نستفيد
برجع وبساله للدكتور
رح اشوف اذا بيقدر يفوت هو هون
ويناقشك لاني بصراحة ما بعرف الاشياء اللي كتبتيها بهل رد...