|
هدي قلبك وفوت اقرأ
السلام عليكم ورحمة الله وبركاته
اعضاء الوحدات نت الكرام حابة اوصل رسالة لكل وحداتي هون بالمنتدى عن كثير اشياء ....... اولها محمود شلباية انا مشجعة وحداتية من لما كان عمري 5 سنين ولحقت جيل فيصل وابو زمع وسفيان ومراد عوينة وهل شلة الحلوة ايام زمان...... ما بحب الوحدات اكثر من ما بحب جمهوره وما بحب لاعب اكثر من مشجع راح بعز البرد وحضرله مباراة.... بس الحق بينحكى شلباية غلطان وكثير كثير كمان.....بس بيستاهلوا الناس اللي سبت عليه يوم مباراة ناساف اكيد واحد رح يطلع يحكيلي انتي لو كنتي بالملعب ولو طلعتي من الصبح لو ما رحتي على دوامك ولو اشتريني التذكرة بقوت اولادك ....كان ما حكيتي هيك كلمة بسيطة لكل من ندم لحضوره لمباراة لم تكن كما يحب....يقعد بداره وما يشجع احسن..... شو الفايدة تروح وتغلب حالك...وتتحمم بالشتا وينشف دمك من البرد وبالاخر تجي تسب على لاعب بيطر عقلك لو سب عليه جمهور ثاني الاب بصيح على ابنه لما يغلط بس الاب الشاطر والحكيم والذكي واهم شي اللي بيفهم بياخذه لحاله وبيعمل اللازم ليخفظ كرامة ابنه قدام اخوانه اللي اصغر منه..... فيكم كثير اباء بتعملوها ولا شو ..لما ابنك الكبير بيغلط....بتحكوا لولادكم خلينا لحالنا ..... انا ابوي بعملها ........بيضل هو واللي غلط لحاله...بيضربه بيعصب عليه ببهدله هو حر .....بس مش قدامنا شلباية غلط والجمهور غلط........الجمهور صلح خطا ونادى على شلباية وهسا دور ابو عمر يتاسف لانها حركة عصية على القلب ....ومش مهضومة.... ثاني اشي ....... اللي بحكي عن شفيع وحسن وعامر وشلباية نرجع بالزمن ورى شوي .......... ب2008-2009 يوم مباراة الوحدات والمريخ او الوداد او فريق عماني ناسيه اسمه كانوا كلهم بيلعبوا ....وكان هناك مدرب بيعرف يوظف امكانيات لاعبيه جيدا وحصل معهم 5 بطولات والسنة الماضية كانوا مبدعين الشباب مع دراجان واحترف حسن وعامر وضل الوحدات هو الوحدات واخذنا رباعية هاي السنة كلهم هون الا السامبا رافت ...... في عنا مشكلتين ...اساسيتين..... اول شي ما عنا مدرب بقدر يتعامل مع لاعبيه نفسيا هو كل اللي بيعمله بدربهم كرة .... الاعبين بيدربوه مش هو بدربهم مش ناقصهم تعليم.....ما شاء االله عليهم.... بدهم مدرب يقرا المباراة منيح...ويتعامل مع نفسياتهم صح.... وثاني مشكلة.....لاعبين طلعوا من الوحدات ولسا مش لاقين بديل الهم....... رافت علي ...مشكلة المشاكل بخروجه.....والبهداري ...ما في عنا حاليا لاعب دفاع بيغطي غيابه هون دور ادارتنا الموقرة اللي وقعت عقد مدافعين فراطة اللي بالشارع اشطر منهم.... حكيت كثير بعرف بس بالاخر ......استفتي قلبك ولو افتوك الناس.....وكل واحد يراجع ضميره وبعدين يحكي اي كلمة والسلام ختام يا احلى اعضاء |
كلامك سليم اختي بس هاد فريق بلاروح معنويه ولاعبي الوحدات مع المنتخب بيعطو اكتر
|
اقتباس:
حسن وعامر والذيب وباسم وشفيع بالمنتخب لعبهم بروح اكثر وتصميم اكثر بس السؤااااااال ليـــــــــــش؟؟؟؟؟؟؟ حمد شغال على معونياتهم مش كرة وبس ...... |
اقتباس:
|
اقتباس:
|
الله يعطيكي الف عافية انا لو احضرت مبارتنا مع ناساف والله غير ادعي عليهم ليل نهار وبعدين شلباية حرام عليه يظل يلعب لازم يعتزل من يوم مباراتنا مع دهوك خلص ختّم او يشوفله نادي ثاني اذا مش حاب يعتزل لأنه كل مباراة صرت اسمع في اسمه في الملعب اقسم بالله بتضايق وبصيبني احباط ونكد من وراه وعداكي عاد عن عامر المنتخب قصدي عامر ذيب وكينيث اللي بعرفش مين الاستاز اللي رماه علينا وابو حلاوة اللي ملوش ولا طخّة بالفطبل الله يسامحه اللي اتعاقد معو وبدّي اختصر على حالي وعليكوا المدرب لا يصلح ابدا لتدريب فريق كرة قدم اقسم بالله من يوم ما اجا وانا بحكي لكل واحد وحداتي من اصحابي وغيراتو انه مدرب فاااااااااااااااشل وانا ما بكتب عنه هسة عشان اخسرنا لا والله بس خلص طفح الكيل واسف عالاطالة
|
كلام سليم
|
اقتباس:
احكي وشعر عن مشارعك قد ما بدك....عادي شلباية انا واثقة لسا عنده الكثير حتى يقدمه وعامر كمان .......بس بدك مدرب يفهم تكتيك ونفسيات هاي هي والله....كل الشغلة.... هما مش غريبين علينا وكلنا بنتذكر عامر وشلباية اما كينث وابو حلاوة وقويض اتفق معك تماما .....سفقات فاشلة |
الخلاصة نفسية اللاعبين تغيرت + لا يوجد قائد ميداني + مدرب سلبي (درويش ) + ادارة نايمة
|
كلام سليم
|
اقتباس:
|
مساء الخير ام يحيى كلامك سليم بس الواحد فينا بحكي من قهروا
|
اقتباس:
اقتباس:
|
اقتباس:
وانا مقهورة كمان ومريضة من اللي صار بس الغلط ما يتصلح بغلط |
الوحدات بالنسبة لى واجزم بالنسبة للسواد الاعظم من جمهور الوحدات ليس فقط مجرد نادى انه حكاية عشق لايمكن لاحد ان يزاود على الاخر
حضورى انا واخواتى للمبارايات ان كانت تحت المطر او حتى ان نتحمل تكلفة عالية ايضا ليست لتحميل الجمايل انه واجبنا مثل ما هو واجب الاعب الذى نتغنى باسمه على المدراجات ان يقدم كل ما بجعبته الى النادى الذى هو صاحب الفضل عليه بعد الله طبعا جزاكم الله خير للموضوع واعتذر للاطالة |
| الساعة الآن 04:12 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..