|
انا من بلد
انا من بلد ًانا من بلد بيعرف كل بيت فيه بالحارة شو طابخين كل الجيران ؟؟ هاد البيت طابخ ملوخّية.....وهاد البيت طابخ مقلوبه وريحة الخيار يعني سلطة.. والسمك شارح حالو لحالو وذبح البطيخة فضيحة ؟؟........ أنا من بلد القمر فيه بالصيف يعني سهره..... وكل عرس يعني دبكه.. .. وكتب الكتاب يعني كنافة.... من بلد كانت أمي تقول يا ابني “ غسل وجهك لأنك ما بتعرف مين بيبوسو، و كّنس بيتك لأنك ما بتعرف مين بيدوسو” وأبي يقول: “جارك أخاك.. إذا ما شاف وجهك بيشوف قفاك” من بلد لما بيندق فيه الباب بنتحزّر بين بعضنا مين وبنقول: يا ترى مين إجانا؟ هي رنة الجار.. سريعة وقصيرة، هي رنة عمتي...... ناعمة وخفيفة وهي خبطة ابن الجيران ....، وهي خشخشة المفاتيح لا ابوي عم ينادي ويتنحنح.. ليتغّطوا النسوان من بلد......الذهب كان الأساور الرفيعة والمبرومة والحيّة........ انا من بلد المنسف بينطبخ بالافراح والاتراح و كل أيام الجمعة، وشوربة العدس كل أيام رمضان ...... بلد كل شي بيصير فيه بيستاهل يكون خبريّة..... بلد حتى حبال الغسيل فيه بتحكي قصص، ولقّاطات الغسيل بتنقل رسائل الغرام، ونشر الغسيل إله أصوله مشان ما يقوله عن الست عفشه بلد كانت الست تقول: “لو كانت أسوارتي وقيّة ما لي عن جارتي غنيّة” بيت الجيران أول باب بيندق لما بيخلص الخبز على غفلة، ولّما ما بيلتقى ليمونة..... بيت الجيران أول بيت بنزوره بالعيد لناخد أول عيدية والبيت يلي بيتحمل ولدنتنا وقت ندق على بابه وبنهرب .... ومنرش عتبته بالمي لما بندير البربيش لنرش الحارة بالصيف والبيت يللي بنوقف قدامه لنوصّله سكبة من طبخة اليوم ...كل مغرب برمضان ... ببلدي ما فيه قطّة جوعانة.. وكلاب الشوارع شبعانة , وبكل حوش في داليه وفراش للضيف ونمليه فيها المكدوس وتنكة جبنة والزيتون وزيت وزعتر ... ببلدي... كانت ايام الشتا.... ياعيني على أيامها.. كانت الصوبه... ولهبها... عم يقمر الخبزات ويشوي الكستنا.... وكاسة الشاي يلي عم تتنقل من إيد ﻷيد بجلسة فيها طنة ورنة.. .. ببلدنا الغيرة بتشعل فينا مو بس اذا حدا اطلع أو لطش اختنا .. كل بنات الحارة إخواتنا .... نسيت اخبركن.. أنه بكل بيت فيه عسكري بكل إجازة اله بيكون فيه لمه للعيله لايسمعوا قصص وحكايات عن الباروده والسفرطاس والوظيفه ... ووبتسمع من جدك ووعمك ووابوك احلى حكايات عن البطوله ووالقوميه اكيد انت فلسطني |
ررررررررررررررروعه كلام جميل جداً جداً
|
فعلا مميز . الله عليك ما اروع ما كتبت .
|
كثير هيك يا ديسي
روعه يا ديسي |
روعه اخي ابو بهاء تسلم يمينك
|
رائعة جداً جداً
|
نعم فلسطيني وافتخر
|
يا سلاااام روعه
|
ما اروعك كلمات من القلب حقا
|
كلمات بسيطة ولكنها معبرة وتحمل الكثير من الذكريات الطيبة ،،، نسأل الله ان يعيد فلسطين الى اهلها ،،، مشكور اخي خالد ،،،
|
روعة تضاف إلى روعاتك أبو بهاء ..
|
جميل يعطيك العافية
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
ما شاءلله ما اجمل كلماتك وما اعذب اسلوبك ربنا يعطيك العافية
|
الله عليك ما اروع ما كتبت يا غالي
|
| الساعة الآن 12:10 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..