|
شب يزبط بنت
شب بزبط بنت عن طريق التلفون : الشب : مرحبا هاد تلفون أبو عوض ( عاد بكون ماخد رقم البنت من صاحبه ) البنت : لا النمره غلط الشب : عفكره صوتك حلو والحمد لله إنه ربنا خلاني أغلط بالرقم عشان اسمع هاد الصوت الحلو البنت: ليش بتخفف دمك ومين أعطاك رقمي الشب : والله إني غلطان بالرقم وتخربطت بآخر رقم ( عاد صاحبه الي أعطاه رقم البنت بكون قاعد جنبه) البنت: طيب خلص شو بدك الشب : مالك معصبه ياستي آسف إني غلطان بحقك وما حرن عليكي مره تانيه بس عكل حال أنا كتير متضايق ومش لاقي عروس عاد مش ناقصني إشي وكل البنات ما بصمدو معي وأول ما أسكر الخط بدي أنتحر ومش لاقي حد يسمعني وكنت بتمنى إنك تسمعيني بس ياخساره يلا باي البنت : استنى استنى انته شو اسمك الشب : اسمي رامي ومهندس بشركة نفط بالخليج وجاي هون شهر إجازه ( عاد بكون اسمه عواد وعنده كشك سجاير في البلد ) البنت : شو برجك؟؟؟( هاد أكتر سؤال بسئلوه البنات) الشب برجي الجوزاء . البنت : كيف شكلك ؟؟ الشب : طويل وعيوني خضر وبلعب حديد بس صارلي تارك فتره عشان هيك نصحان شوي بس راجع ألعب( عاد بكون شبه شعبان عبد الرحيم) البنت : مش مهم الشكل انا ما بهمني بالشب شكله المهم عقله يكون كبير الشب : لا ما تخافي من هاي الناحيه كل أصحابي بحكو معي عشان احللهم مشاكلهم ولله الحمد أنا زلمه راكز وقد حالي وكل الحاره ابتحسبلي مليون حساب ( عاد بكون هو مشييب أصحابه وسبب مشاكلهم ) البنت : لا مبين عليك قد حالك وطيوب بس ليش ولا بنت بتصمد معك الشب : كل بنت بحكي معها ابتتجوز أو ابتخطب وكل ما أحب بنت بتخوني وبتغدر فيه عشان أنا قلبي طيب ومخلص ( بكون هو حالق لكل البنات وعمرو ما أخلص لحد) البنت : ياحرااااااام الشب : ما قلتيلي انتي مرتبطه أو مصاحبه البنت : لا عمري ما حبيت ولا حكيت مع شباب الشب : اهاااااا ( وببعد السماعه عن دانه وبصير يضحك عشان بكون قاعد معه أصحاب البنت الأربعه الي صاحبتهم من قبل ) الشب : طيب أنا لازم اروح هلأ عشان سيارتي البي إم صافه بنص الشارع وبرجع أحكي معك ( عاد بكون رصيده خلص وراح يفصل الخط ومعوش حق سكوتر) وهيك ابتستمر هاي المكالمات لبين ما يخلص الشب من البنت بحكيلها إنها خلصت إجازته ولازم يرجع يسافر وبعدين إبيعطي رقمها لصاحبه الثاني وهكذا تستمر المهزله .. |
ما الغلط من البنت هيك صار :/
|
بالبداية كان الشب بدو يزبط البنت بعدين صار البنت بدها تزبط الشب
والله احنا الشباب مظلومين بهاد الموضوع بتحكو دايما انو الشباب بزبطو بالبنات لو البنت ما بتعطي الشب وجي حلو كان ما صار تق حنك بيهم والله لو كل شباب العالم بحاولو مع بنت وهي ما بدها على الفاضي يعني الموضوع عرض وطلب وانا بوجهة نظري الحق على الشب والبنت اشكرك على الموضوع الجميل |
لو انها سكرت الخط بوجهه من البداية كان ما سخر منها
|
اقتباس:
اعتقد ما في شب مظلوم على وجه الارض |
اقتباس:
السؤال اذا شب بدو يزبط بنت وهي ما بدها بقدر انو يجبرها تحكي معو ؟ |
في اعتقادي الخطأ على البنت ..
الشب وكلامه مثل السنارة يرميها اينما كان ان صادت حمل يابا وان لم تصب بندور في مكان ثاني يرجع ذلك الى اخلاق البنت وتربيته وهذا موضوع مهم مشكوره |
واعتقد انه مافي بنت مسكينه على وجه الارض
|
والله الخطأ من الطرفيييييييييييييييييين ,,,
|
اقتباس:
|
لا حول ولا قوة الا بالله على هالزمن..والله مساكين الشباب..القط بياكل عشاهم... :(
|
لا حول ولا قوة الا بالله
|
بقص ايدي من الرقبة اذا في بنت صادقة مع شب ولا مع حالها حتى .... طبعاً معظم الشباب ملائكة ما حدا بقدر ينكر الواقع، غير اكمن واحد على عدد أصابع الايد الوحدة مخربين علينا
ملكش زنب |
مسخرةةةةةةةةةة
|
اقتباس:
ان بعتقد انو بنت مرات بتحكمها العواطف او بتكون مختاره صحباتها خطا وباثرو عليها المههههههههههههم لازم شب يعرف انو الو إخوات وبنات وغيرها وما يحكي |
| الساعة الآن 04:04 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
... جميع الحقوق محفوظه لمنتديات الوحدات نت © ...
.. ][ جميع المواضيع و الردود تعبر عن راي صاحبها ولا تعبر عن راي اداره منتديات الوحدات نت بــتــاتــاً ][ ..