هذه اول رسالة وصلتني من والدي وعمي واخي وحبيبي ابو عمار الجنيدي رحمه الله بتاريخ 18/3/2015
كانت بعد خروجي من السجن بثلاثة ايام
عندها قمت بتنزيل بوست على الفيس بوك كتبت فيه بعد ضياع خمسة عشر عام الى المسجد قرار لا رجعة عنه
كان اول من اعجب بالبوست وعلق عليه هو رحمه الله
وبعثلي مسج يطلب رقمي بعث له رقمي وبعدها بدقائق اتصل بي رقم دولي وكان الاب والعم والحبيب ابو عمار رحمه الله يتصل بي كن السعودية تحدث معي بكل احترام وود ومحبة وكان كلامه كله توجيه لي والدعاء لي بالثبات استمرت المكالمة ما يقارب الساعتين الا ربع واثناء المكالمة فصل الخط فجأة بعث لي مسج يعتذر ويريدني ان امهله دقائق ليشحن هاتفه بعد اقل من 5 دقائق عاود الاتصال بي واول ما فتحت خط اخذ يعتذر مني عن الفصل فحكيتله لحقت تشحن بطارية التلفون فضحك ضحكة يا الله ما اروعها من ضحكة بحكيله ليش تضحك عمي حكالي لا انا شحنت رصيد مش كهربا سألني عن والدتي اثناء المكالمة فحكيتله هيها بجنبي خذ احكي معها ولان امي سمعها ضعيف حطيت التلفون عالسماعة الخارجية وحكيتلها يما عمي ابو عمار من السعودية بده يحكي معك ويسلم عليكي اول ما امي حكت السلام عليكم رد عليها الله يرحمه وعليكم السلام يا امي كيف حالك ودار نقاش بينهم لدقائق يا الله كم كان لهذه المكالمة اثر في نفس والدتي التي بعد انتهاء مكالمتي معه رحمه الله حكتلي اول مرة يما بعرف انك مصاحب ناس محترمين وبيخافو الله يا يما برضاي عليك الزلمة هاظ ديربالك عليه ولا تفرط فيه والله من كلامه يما انه زلمة تقي وبيحبك وبده مصلحتك بالله عليك يما وبرحمة ابوك يما انك ترد عليه شو ما يحكيلك حكيتلها حاضر يا تاج راسي
امي الله يطول بعمرها حلفت المرحوم بالله انه يزورها هو وعياله يوم حكالها الله يرحمه باذن الله يا امي باول زيارة للاردن رح اكون عندكم رحمه الله زار الاردن وبعد ما عرفت انه بالاردن راسلته وحكيتله الحجة بتستناك ودايماً بتسألني عنك حكالي سلم عليها ولا تحكيلها اني بالاردن انا مريض وعندي فحوصات وما رح اقدر ازورها يومين ثلاث ورح ارجع عالسعودية واذا ظل بالعمر بقية رح ازورها واخليها تعملي مسخن رحمك الله يا والدي رحلت قبل انا تأكل المسخن وتشرفنا بزيارتك لنا
بعد هذه المكالمة الاولى باسبوعين صحيت من النوم لقيت مكالمة فائتة منه رحمه الله عاودت الاتصال به فصل ورجع حكى معي هو ودار نقاش بيني وبينه وسالني عن صلاتي حكيتله الحمدلله رب العالمين ملتزم ولله الحمد سالني عن الشغل حكيتله والله يا عمي بشتغل يوم وبعطل اسبوع يوم بالطوبار يوم بالخضرا يوم بالبالة شو بيقسم الله مليح
مش قادر التزم بأي شغل بسبب الاقامة الجبرية المفروضة عليّ فحالي الله يرحمه اسعى وربنا ما رح ينساك اهم اشي واظب على صلاتك وادعي ربك انه يبعدك عن رفاق السوء اللي دمروك ودمرو مستقبلك واذا ناقص عليك اشي انا بخدمتك حكيتله استغفرالله يا بوي ما بدي غير سلامتك فعرض عليّ رحمه الله انه يبعثلي الف دينار اعمل فيهم محل خضرة واشتغل فيهم وبس الله يفرجها عليّ اردله اياهم وبالاخر حكالي انا حاب اساعدك وهذول الالف دينار مني الك هدية مسامحك فيهم بس بدي اياك تلتزم بالصلاة وتبعد عن الشباب اللي ضيعوك الله يهديهم حكيتله والله ورحمة ابوي ما بتبعث اشي وضعي الحمدلله تمام وفلوس ولله الحمد موجود معي حاول كثيراً وكنت انا ارفض وبطلوع الروح حتى وافق بعد ما اقسمت اله انه اذا احتجت فلوس رح اتصل فيه وابلغه وكان رحمه الله بين كل فترة يتصل بي او يبعثلي مسج بيسألني اذا بحاجة اشي
دارت الايام ومرض والدي وعمي واخي وصديقي ابو عمار حتى ان جاء خبر وفاته يوم امس الخبر الذي كسر ظهري
رحمك الله يا والدي رحمك الله يا صاحب الايادي البيضاء
جزاك الله كل خير والدي ابو عمار وفي ميزان حسناتك ان شاء الله كل دعوة دعوتها لي ولوالدتي وكل نصيحة نصحتني اياها اسأل الله ان نلتقيك بالجنة يا والدي
انا لله وانا اليه راجعون و لا حولة ولا قوة الا بالله ..
لله ما اعطى و لله ما اخذ و كل شئ عنده باجل مسمى ..
رحمك الله أخي الحبيب ابو عمار رحمة واسعة وغفر لك .. سنفتقدك يا ابو عمار الغالي
هذه اول رسالة وصلتني من والدي وعمي واخي وحبيبي ابو عمار الجنيدي رحمه الله بتاريخ 18/3/2015
كانت بعد خروجي من السجن بثلاثة ايام
عندها قمت بتنزيل بوست على الفيس بوك كتبت فيه بعد ضياع خمسة عشر عام الى المسجد قرار لا رجعة عنه
كان اول من اعجب بالبوست وعلق عليه هو رحمه الله
وبعثلي مسج يطلب رقمي بعث له رقمي وبعدها بدقائق اتصل بي رقم دولي وكان الاب والعم والحبيب ابو عمار رحمه الله يتصل بي كن السعودية تحدث معي بكل احترام وود ومحبة وكان كلامه كله توجيه لي والدعاء لي بالثبات استمرت المكالمة ما يقارب الساعتين الا ربع واثناء المكالمة فصل الخط فجأة بعث لي مسج يعتذر ويريدني ان امهله دقائق ليشحن هاتفه بعد اقل من 5 دقائق عاود الاتصال بي واول ما فتحت خط اخذ يعتذر مني عن الفصل فحكيتله لحقت تشحن بطارية التلفون فضحك ضحكة يا الله ما اروعها من ضحكة بحكيله ليش تضحك عمي حكالي لا انا شحنت رصيد مش كهربا سألني عن والدتي اثناء المكالمة فحكيتله هيها بجنبي خذ احكي معها ولان امي سمعها ضعيف حطيت التلفون عالسماعة الخارجية وحكيتلها يما عمي ابو عمار من السعودية بده يحكي معك ويسلم عليكي اول ما امي حكت السلام عليكم رد عليها الله يرحمه وعليكم السلام يا امي كيف حالك ودار نقاش بينهم لدقائق يا الله كم كان لهذه المكالمة اثر في نفس والدتي التي بعد انتهاء مكالمتي معه رحمه الله حكتلي اول مرة يما بعرف انك مصاحب ناس محترمين وبيخافو الله يا يما برضاي عليك الزلمة هاظ ديربالك عليه ولا تفرط فيه والله من كلامه يما انه زلمة تقي وبيحبك وبده مصلحتك بالله عليك يما وبرحمة ابوك يما انك ترد عليه شو ما يحكيلك حكيتلها حاضر يا تاج راسي
امي الله يطول بعمرها حلفت المرحوم بالله انه يزورها هو وعياله يوم حكالها الله يرحمه باذن الله يا امي باول زيارة للاردن رح اكون عندكم رحمه الله زار الاردن وبعد ما عرفت انه بالاردن راسلته وحكيتله الحجة بتستناك ودايماً بتسألني عنك حكالي سلم عليها ولا تحكيلها اني بالاردن انا مريض وعندي فحوصات وما رح اقدر ازورها يومين ثلاث ورح ارجع عالسعودية واذا ظل بالعمر بقية رح ازورها واخليها تعملي مسخن رحمك الله يا والدي رحلت قبل انا تأكل المسخن وتشرفنا بزيارتك لنا
بعد هذه المكالمة الاولى باسبوعين صحيت من النوم لقيت مكالمة فائتة منه رحمه الله عاودت الاتصال به فصل ورجع حكى معي هو ودار نقاش بيني وبينه وسالني عن صلاتي حكيتله الحمدلله رب العالمين ملتزم ولله الحمد سالني عن الشغل حكيتله والله يا عمي بشتغل يوم وبعطل اسبوع يوم بالطوبار يوم بالخضرا يوم بالبالة شو بيقسم الله مليح
مش قادر التزم بأي شغل بسبب الاقامة الجبرية المفروضة عليّ فحالي الله يرحمه اسعى وربنا ما رح ينساك اهم اشي واظب على صلاتك وادعي ربك انه يبعدك عن رفاق السوء اللي دمروك ودمرو مستقبلك واذا ناقص عليك اشي انا بخدمتك حكيتله استغفرالله يا بوي ما بدي غير سلامتك فعرض عليّ رحمه الله انه يبعثلي الف دينار اعمل فيهم محل خضرة واشتغل فيهم وبس الله يفرجها عليّ اردله اياهم وبالاخر حكالي انا حاب اساعدك وهذول الالف دينار مني الك هدية مسامحك فيهم بس بدي اياك تلتزم بالصلاة وتبعد عن الشباب اللي ضيعوك الله يهديهم حكيتله والله ورحمة ابوي ما بتبعث اشي وضعي الحمدلله تمام وفلوس ولله الحمد موجود معي حاول كثيراً وكنت انا ارفض وبطلوع الروح حتى وافق بعد ما اقسمت اله انه اذا احتجت فلوس رح اتصل فيه وابلغه وكان رحمه الله بين كل فترة يتصل بي او يبعثلي مسج بيسألني اذا بحاجة اشي
دارت الايام ومرض والدي وعمي واخي وصديقي ابو عمار حتى ان جاء خبر وفاته يوم امس الخبر الذي كسر ظهري
رحمك الله يا والدي رحمك الله يا صاحب الايادي البيضاء
جزاك الله كل خير والدي ابو عمار وفي ميزان حسناتك ان شاء الله كل دعوة دعوتها لي ولوالدتي وكل نصيحة نصحتني اياها اسأل الله ان نلتقيك بالجنة يا والدي
يا الله اقسم بالله الواحد عاجز شو يحكي
لمثل هذا فليعمل العاملون
رحم الله ابو عمار وانت يا اخوي استمر على طريق الحق وفرح ربك ثم ابو عمار
" اللهم اغفر له وارحمه، وعافه ،واعف عنه ،وأكرم نُزُله ، ووسع مُدخلهُ ، واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه، وأدخله الجنة ،وأعذه من عذاب القبر ومن عذاب النار "
بدي ادردش معك شوي
